Қарағандының орталық саябағындағы көлге 20 мың шабақ жіберілді

Қарағандыда саябақ көлін тазарту жұмыстары жалғасуда. Мердігер компания атқарған негізгі жұмыстармен қатар, қала билігі су қоймасындағы судың сыртқы түрі мен сапасын жақсарту үшін қосымша шараларды қолға алуда. Қазір оған балық шабақтары жіберілді.

– Су қоймасын балықпен қамтамасыз ету жоспары қазан айында жарияланған болатын. Кеше бұл жұмысты жүргіздік. Сазан мен күміс тұқы экожүйеде маңызды рөл атқарады, өйткені олар көлдегі артық балдырлармен қоректенеді. Қазір шабақтардың алғашқы партиясы 20 мың шабақ көлге жіберілді, егер бәрі жоспарымыздағыдай болса  қалған 80 мың шабақты келесі жылы жібермекпіз. Алдымен жаңа жіберілген шабақтардың қыстан қалай шығатынын қадағалау керек, – қала әкімі Мейрам Кожухов.

Ілияс ДҮНГЕНБАЙҰЛЫ.