Қарағандылық тұрғынды автобус басып кетті

Қарағандыда 39 жастағы автобус жүргізушісі 45 жастағы ер адамды қағып кетті. Өкінішке қарай, жаяу жүргінші оқиға орнында көз жұмды.

 Оқиға Бұқар жырау даңғылы бойында орын алған.

– Оқиға кезінде автобуста 15 жолаушы болған. Жолаушылардың ішінде зардап шеккендері жоқ. Алайда, 45 жастағы азамат оқиға орнында қаза болды. Қазіргі таңда жол-көлік оқиғасы бойынша сотқа дейінгі тергеу жұмыстары жүргізілуде. Көлік жүргізушілеріне қала ішінде жылдамдықты шектен тыс асырмауын сұраймыз. Ал, жолаушылар жолдан өтер кезде тек жаяу жүргіншілер жолағымен өткен абзал, – облыстық полиция басқармасының мамандары.

Ербол ЕРБОЛАТ,
Ortalyq.kz