Қарағанды-Жезқазған тасжолында бес адамның өмірін жалмаған жол апаты орын алды

27 шілде күні сағат 15.20 шамасында Қарағанды-Жезқазған тас жолында Toyota маркалы жеңіл автокөлік пен жүк көлігі соқтығысқан.

Апат салдарынан жүргізуші мен Toyota-ның төрт жолаушысы оқиға орнында қаза тапты.

– Бұл факт полицияда тіркеліп, тиісті сараптамалар тағайындалды. Оның қорытындысы бойынша процессуалдық шешім қабылданады, – дейді облыстық полиция департаментінің баспасөз қызметі.

Аида РАХЫМҚҰЛОВА,

ortalyq.kz