Жаңалықтар
Қарағанды облысында ұшақ апатқа ұшырады
Қарағанды облысында оқу-жаттығу ұшуы кезінде P2002 типті UPLA286 ұшағы апатқа ұшырап, екі адам қаза тапты.
Оқиға бүгін, 30 қыркүйек күні сағат 08.44-те Үштөбе ауылында Балапан оқу-жаттығу алаңында болған. Қираған ұшақ Доскей ауылынан 5 шақырым жерден табылған.
– Сағат 07:46-да ұшқаннан кейін ұшақ экипажы байланысқа шықпады. Іздестіру жұмыстары кезінде екі адамның қаза тапқаны анықталды. Көлік министрлігінің оқиғаларды тергеу департаменті осы факті бойынша тергеуді бастады, – делінген Азаматтық авиация комитетінің хабарламасында.