Қарағанды облысында 133 қосымша бейнебақылау камерасы орнатылады
«Қауіпсіз қала» жобасы аясында Қарағанды облысында қосымша 133 бейнебақылау камерасы орнатылады.
«Қауіпсіз қала» жобасын енгізумен Қарағанды облысының ақпараттандыру, мемлекеттік қызметтер көрсету және архивтер басқармасы полиция департаментімен бірлесе отырып айналысады.
– «Қауіпсіз қала» жобасы 2021 жылы іске қосылды. Бүгінгі таңда 2859 камера мен 110 АӨК орнатылған. Биыл Қарағанды аудандарының әкімдерінен және тұрғындардан қосымша камералар мен АӨК орнатуға сұраныс пайда болды. Біз жаңа атаулы бағдарламаны әкімшілік полиция басқармаларымен, Қарағанды облысы полиция департаменті жергілікті полиция қызметімен және Қарағанды қаласы полиция басқармасымен келістік. Шілде айында 24 жылдамдық өлшегіш пен 133 бейнебақылау камерасын орнатуға қаражат бөлінді, – дейді «Қауіпсіз қала» жобасының менеджері Павел Ортнер.
1 тамызға қарай қосымша АӨК орнатылып, қосылды. Қарағанды, Теміртау және Саран қалаларында жаңа жылдамдық өлшегіштер пайда болды. Алғаш рет Шахтинск қаласында екі АӨК орнатылды. Тұрғындардың өтініші бойынша Жол қозғалысы ережелерін тіркеудің тағы бір құралы Абай ауданының Дубовка ауылының маңында орнатылған. Павел Ортнердің айтуынша, мұнда жол қозғалысы ережелерін бұзу күрт төмендеді.
Қосымша 133 қауіпсіздік камерасы тамыз айының соңына дейін орнатылады.
Бұл бағытты қамтитын статикалық камералар. Сурет сапасы өте жақсы.
Барлық камералар жедел басқару орталығына шығарылады. Бұл бейнебақылау жүйелерін бақылаумен айналысатын полиция бөлімі.
Төмендегі сілтеме арқылы қосымша бейнебақылау камералары мен АӨК орнатылатын мекенжайлар тізімі:
Аида РАХЫМҚҰЛОВА,
ortalyq.kz
