Қарағанды ардагерлері Жеңіс күні мерекесіне 1,5 млн теңгеден алды

Жеңіс күніне орай Ұлы Отан соғысының ардагерлері 1,5 млн теңгеден алып, есепшоттарына аударылды. Қазір аймақта барлығы 13 соғыс ардагері тұрады.

4 мың тыл еңбеккері, 11 Ленинград блокадасы және 37 концлагерь тұтқыны да Жеңіс күні мерекесінен тыс қалмаған.

Соғыс жылдарында барлығы 45 мың қарағандылық майданға аттанып, оның 18 мыңы қайтып оралмаған.

– Қарағанды облысы бойынша тек үш өңірде соғыс ардагерлері қалды. Оның 9-ы Қарағандыда, 3-еуі Теміртауда, 1-еуі – Осакаров ауданында тұрады. Ең жас ардагер – 93 жаста, қалғандарының жасы  үлкен,-дейді жұмыспен қамтуды үйлестіру және әлеуметтік бағдарламалар басқармасының бөлім басшысы Ермек Нүксуев.

Аида РАХЫМҚҰЛОВА,

ortalyq.kz