Шахтадағы апат: Қарағандыға дәрігерлер тобы жіберіледі
Денсаулық сақтау министрлігі зардап шеккендерге консультациялық көмек көрсету үшін Қарағандыға дәрігерлер тобын жібереді.
Топ құрамында токсиколог, травматолог-ортопед және нейрохирург бар жоғары дәрежелі мамандар бар.
Қазіргі уақытта 18 адам Мақажанов атындағы көпбейінді ауруханаға жеткізілді, оның 17-сі стационарлық емдеуге жатқызылды, 1 зардап шегуші амбулаториялық емделуде.
Жеңіл және орташа ауырлықтағы 15 адам аурухананың токсикология бөлімшесінде емделуде. 1 адам реанимация бөлімшесінде, жағдайы ауыр.
Жағдайы орташа ауырлықтағы тағы 1 адам травматология бөлімшесінде медициналық көмек алады.
Ербол ЕРБОЛАТ,
ortalyq.kz
