«Алматыны» ұтты

     Ел чемпионаты шеңберінде алматылық «Алматыны» қабылдаған «Теміртау» буллит сериясында жеңіске жетті. 3:2 Б.

Алғашқы шайбаны теміртаулықтар салды. 10-шы минутта Королинский мергендігімен танылды. 1:0.

26-шы минутта алматылық Евграфов таразы басын теңестірді. 1:1.

Бұдан кейін «Теміртау» сапындағы Сафин (45-ші минут) мен «алматылық» Самойлов (56-шы минут) бір-бір шайбадан соғып, ойын буллиттер сериясына ауысты. 2:2.

Сериядағы Сафиннің соққысы «Теміртауға» жеңіс әкелді. 3:2 Б.

Қарсыластар арасындағы қарымта матч кеше өтті.

Нұрқанат ҚАНАФИН