Қарағанды облысында бір тәулікте 133 адам коронавирус жұқтырған
Қазақстанда өткен тәулікте коронавирус ауруының 1169 жаңа жағдайы тіркелді. Қарағанды облысында жаңа ауырғандар – 133, облыс “жасыл” аймақта орналасқан. Пандемия басталғаннан бері 2022 жылғы 18 тамыздағы жағдай бойынша COVID-19 расталған 159 412 жағдай тіркелді.
2022 жылдың 18 тамызында Қарағанды өңірінде бірінші компонентпен вакцинациямен қамту 71,3%-ды құрайды, яғни 727 912 адам егілді, бұл жалпы халық санының 60,1%-ын құрайды. Вакцинациялауға жататын контингенттің жалпы санының екінші компонентімен 66,6% немесе 680 334 адам егілді, бұл жалпы халық санының 56,1%-ы.2021 жылғы 22 қарашадан бастап тек 276 251 адам ревакцинация алды – бұл оған жататын халықтың 58,1%-ы.2022 жылғы 25 мамырдан бастап өңірде қайта ревакцинация басталды.
Осы жылдың 18 тамыздағы мәліметтері бойынша 33 332 адам егілді, бұл қамтылуы тиіс тұрғындардың 67,6%-ы.
Қазіргі эпидемиологиялық жағдайды ескере отырып, облыстың әр тұрғыны вакцинация туралы саналы шешім қабылдауы керек – тек дұрыс таңдау жасау арқылы Сіз өзіңізді, жақындарыңызды қорғап, ұжымдық иммунитетті қалыптастыруға үлес қоса аласыз.
