Жаңа цех ашылады

Желтоқсан айында «Жалтырбұлақ» АҚ кен орнының шикізатын қайта өңдейтін цех ашылады. Өндіріс ошағының жай-күйімен қала әкімі Қайрат Бегімов танысып қайтты.

Аталмыш жоба облыстың Кәсіпкерлікті дамыту картасына енгізілген. Жалпы құны – 3,4 миллиард теңге. Оның үштен екі бөлігі – «Жалтырбұлақ» АҚ-ның қаражаты.

Бүгінде жобаның бірінші кезеңі жемісті жүзеге асырылуда. Әзірге «Жалтырбұлақта» катод тұнбасы алынады. Өнім «Тау-Кен-Алтын» ЖШС-не жіберіліп, Доре балқымасы құйылады.

123 адамды жұмыспен қамтыған өндіріс орнының жылдық қуаты 515 мың тонна тұнба әзірлеуге шақталған. Компания басшылығы жыл соңына дейін межені асыра орындайтынын айтады.

Қуаныш Аманқұлов,
«Орталық Қазақстан»