15-ші мамырдан бастап жеке кәсіп ашу үшін гранттарға өтінімдерді қабылдау басталады
15 мамырдан 26 мамырға дейін Business.enbek.kz порталында 2021-2025 жылдарға арналған кәсіпкерлікті дамыту жөніндегі ұлттық жоба шеңберінде жаңа бизнес-идеяларды іске асыру үшін мемлекеттік гранттар алуға екінші лек бойынша өтінімдер қабылдау басталады.
Қарағанды қаласының халықты жұмыспен қамту орталығы грант алу шарттарын еске салады.
Тіркелген жұмыссыздар, сондай-ақ жеке кәсіпкерлер (тіркеу мерзімі үш жылға дейін) үміткер бола алады.
Әлеуметтік категориялардың біріне сілтеме жасау керек:
– көп балалылар – көп балалы ретінде жәрдемақы алушылар (жұбайы, зайыбы);
– қоныс аударушылар және олардың еңбекке қабілетті отбасы мүшелері;
– мүгедектігі бар баланы тәрбиелеуші ретінде жәрдемақы алушылар (жұбайы, зайыбы) ;
– аз қамтылғандар – атаулы әлеуметтік көмек алушылар және олардың отбасы мүшелері;
– асыраушысынан айрылу жағдайы бойынша әлеуметтік жәрдемақы алушылар;
– “қандас” мәртебесі бар тұлғалар;
– мүгедектігі бар адамдар.
Үміткердің “Бастау Бизнес” жобасы бойынша кәсіпкерлік негіздеріне оқыту туралы сертификаты болуы және мәртебесін тексеру кезінде жұмыспен қамтуға жәрдемдесу жөніндегі белсенді іс-шараларға (оңтүстіктен солтүстікке өз еркімен қоныс аударуға қатысушылардан басқа) қатыспауы тиіс.
Аида РАХЫМҚҰЛОВА,
ortalyq.kz