Шет ауданының мал өсірушілері 85 мыңнан астам ірі қара мал өсіреді. Бұл аймақтағы ірі фермерлік кәсіпорындардың бірі – “Қайрат” шаруа қожалығы. Оны жас кәсіпкер Нұрперзент Советов басқарады.
Ол әкесінің ісін жалғастыруда.
“Сыбаға” бағдарламасы аясында өз шаруашылығын ашу үшін ол төмен пайыздық мөлшерлемемен несие алған. Нұрперзент Советов 85 миллион теңгеге 200 бас ірі қара сатып алды. Асыл тұқымды мал Хакасиядан әкелінді.
Сонымен қатар, шаруа қожалығында қазақтың ақбас сиыры тұқымын өсіреді.
– Мені осы қадамға әкем шабыттандырды, – дейді Нұрперзент Советов. – Ол әрқашан мені қолдайды. Қазір мемлекет жас кәсіпкерлерге белсенді көмек көрсетуде. Төмен пайыздық несиелер береді. Мен бұл бизнесімді әрі қарай дамытамын.
Жыл сайын “Қайрат” шаруа қожалығы 4 млн теңге көлемінде субсидия алады. Болашақта кәсіпкер сүт өнімдер кластерін дамытуды жоспарлап отыр.
Нұрперзент Советов алты ауыл тұрғынын жұмыспен қамтамасыз етті. Тұрақты жалақыдан бөлек, олар шөп пен көмір алады, ал әр қыста жұмыскерлерге ет береді.
