1 шілдеде темекі қымбаттайды
1 шілдеден бастап темекі бағасы қымбаттайды. Бұл туралы «Ашық» НҚА порталында жарияланған Қаржы министрінің бұйырық-жобасында жазылған, деп хабарлайды ortalyq.kz ҚазАқпарат сайтына сілтеме жасап.
– 20 фильтрлі, фильтрсіз сигаретке, папиростарға, сигариллалар мен қыздырылатын темекісі бар бұйымдарға:
– 2023 жылғы 1 шілдеден бастап 2023 жылғы 31 желтоқсанды қоса алғанға дейін 710 теңге;
– 2024 жылғы 1 қаңтардан бастап 770 теңге мөлшерінде ең төменгі бөлшек сауда бағалары белгіленсін, – делінген бұйырық-жобасында.
Министрлік түсіндірмесіне сай, темекі өнімдерінің бөлшек саудадағы шекті бағаларының өсуіне мыналар себеп:
– 2023-2024 жылдары акциз мөлшерлемесі 14% көтерілді;
– импортталатын шикізат пен материалдардың құны орта есеппен 20% өсті;
– темекі өнімдерінің шикізаты мен компоненттерінің логистикасы едәуір күрделенді;
– 2022 жылы инфляция 20,3% құрады.
Құжат 19 мамырға дейін көпшілік талқылауда болады.
