Оқушылар ғарышкерлермен кездесуге мүмкіндік алады

Болашақта мектеп оқушылары әлемнің әр түпкірінен жиналған ғарышкерлермен кездесіп, қолтаңбасын алу мүмкіндігіне ие болады. Бұл – «ЭКСПО-2017» көрмесінің архитектуралық символына айналған көрме кешенінің орталық нысаны «Нұр әлем» сферасының жетінші – «Ғарыш энергиясы» қабатында жүзеге асырылатын болады.

Көрнекі сурет

Қарағандыға арнайы іссапармен келген Қазақстан Туристік Ассоциациясының президенті Роза Асанова Қазақстан Республикасының Ұлттық ғарыш агенттігімен келіссөздер жүргізу үстінде екенін айтты. Сондай-ақ, Роза Абдышахитқызы физика, биология, тарих, герография, химия, туризм және өзге де пәндер бойынша «Kids Future Enerdgy» және «Students Future Enerdgy» аясында ашық сабақтар өткізу тиімділігіне де тоқталды.

Айта кету керек, «Экспо-2017» Халықаралық көрмесіне қатысушылардың басым бөлігін Қарағанды облысының оқушылары құраған.

Салтанат ИЛЬЯШОВА,
«Орталық Қазақстан»

Пікір қалдыру

Сіздің e-mail жарияланбайды. Толтырылуы міндетті *

This site uses Akismet to reduce spam. Learn how your comment data is processed.