Ресми

Үкімет басшысы Қарағандыға ат басын бұрды

00

Кеше Қарағанды облысында Мемлекет басшысының тапсырмасы бойынша жұмыс сапарымен Премьер-Министр Кәрім МӘСІМОВ болды. Үкімет басшысы жұмыс сапарын жергілікті билік орындарының қатысуымен аймақтағы эпизоотикалық жағдайды айқындау үшін кеңес өткізуден бастады.

Бұдан соң, аймақтың бірқатар нысандарын аралап, олардың барысымен танысты. Атап айтқанда, Үкімет басшысы  облыстағы «Самұрық-Қазына» салып жатқан «Жанұя» тұрғын үй кешенінің құрылысын көрді. Тұрғын үй кешенінің құрылысы «Самұрық-Қазына» жылжымайтын мүлік қоры арқылы тұрғын үй» бағытымен «Өңірлерді дамыту-2020» бағдарламасының негізінде жүргізілуде. «Нұрлы Жол» бағдарламасы бойынша бой көтеретін  балабақшаға да арнайы бұрылды. Бұйырса, шілде айында 320 орынға арналған бұл  жаңа балабақшаны ашу жоспарда.

Одан кейін Үкімет басшысы Қарағанды мемлекеттік техникалық университетіне ат басын бұрды. Мұнда Индустрияландыру бағдарламасының екінші бесжылдығына арналған мамандар дайындалуда екенін атап өткен жөн. Премьер-Министр  оқу ордасының  металлургия және тау-кен ісі саласындағы инновациялық технологиялар зертханасында болды. Бұл зертханаларда мамандар білімі мен біліктілігін қатар шыңдайды.

Сондай-ақ, Премьер-Министр Қарағандыдағы мамандандырылған ХҚКО-да болып, «АрселорМиттал Теміртау» АҚ өндірісіне барды. Содан кейін келелі кеңес құрып,  тау-кен металлургия кешенінің қазіргі ахуалы мен болашағы талқыланды.

Үкімет басшысының аймақтағы жұмыс сапары туралы толығырақ газеттің алдағы санында жарияланады.

Басқа материалдар

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

This site uses Akismet to reduce spam. Learn how your comment data is processed.

Back to top button