Жас күйшілер додасы

Қарағанды Кеншілер мәдениет сарайы күйші, композитор Сембек Айдосұлының 160 жылдығына орай оқушылар арасында «Күй қазына» облыстық байқауын өткізеді. Оған 9-12 және 13-17 жас санатындағы жеке орындаушылар қатыса алады.

Өтінімдер 24 қазанға дейін dkg.to@mail.ru электронды мекенжайға қабылданады. Өтініммен бірге туу туралы, немесе жеке куәліктің көшірмесі болуы шарт.

Байқау 29 қазанда сағат 11:00-де Кеншілер мәдениет сарайының сахнасында өтеді. Шарты бойынша 9-12 жастағы балалар еркін тақырыпта екі күй орындауы керек. 13-17 жастағы қатысушылар шертпе және төкпе күйлерін орындайды.

Қазылар алқасы орындау шеберлігін, сахна мәдениеті мен бейнесін бағалайды.

Байқау жеңімпаздары мен жүлдегерлеріне дипломдар мен ақшалай сыйлықтар беріледі.

Ерік НАРЫН,
Ortalyq.kz