Жанқош Тұраров кезекті жекпе-жегін өткізеді

10 желтоқсанда Алматыдағы Балуан Шолақ атындағы спорт сарайында қазақстандық былғары қолғап шебері Жанқош Тұраров (27-0, 20 КО) жекпе-жекке шығады. Бұл – дүбірлі бокс кешінің басты жекпе-жегі.

Отандасымыздың қарсыласы әлемге танымал бірнеше дүркін Жапония мен Азия чемпионы Акихиро Кондо (37-11-2, 21 КО). Қос боксшы IBO тұжырымы бойынша әлем чемпионы атағы мен WBA Gold World чемпиондық белдіктерін сарапқа салады.

Бұдан бөлек, бұл кеште Виктор Коточигов, Балауса Мұздыман, Елшат Нығметолла, Елхан Табынбаев және басқа да қазақстандық боксшылар өнер көрсетеді.

Айта кетейік, Жанқош Тұраров үшінші жыл қатарынан желтоқсан айында жылдың қорыты жекпе-жегін өткізіп келеді. 2021 жылы отандасымыз Абдумонем Саидті тізе бүктірсе, 2022 жылы бұрынғы әлем чемпионы Луис Энрике Ромероны нокаутқа түсірген болатын. 

Ербол ЕРБОЛАТ,
Ortalyq.kz