Толассыз жауын-шашын және күннің күрт суытуы: 11-13 сәуірге арналған Қазақстандағы ауа райы болжамы

Қазақстанда алдағы үш күнде 2024 жылдың 11 сәуірі мен 13 сәуірі аралығында қатты жауын-шашын және суық ауа температурасы сақталады, деп хабарлайды Ortalyq.kz Zakon.kz  сайтына сілтеме жасап.

Болжам бойынша, республика аумағының басым бөлігі атмосфералық фронтальды бөліктердің ықпалында болады, осыған байланысты түнде жауын-шашын (жаңбыр, қар), күндіз жауын-шашын күтіледі.

– 11-12 сәуірде еліміздің шығысы мен оңтүстік-шығысында қатты жауын-шашын (жаңбыр, қар) болжанады. Республика бойынша түнгі және таңертеңгі сағаттарда тұман, күндіз батыста, оңтүстік аймақтарда найзағай, орталықта, шығыста және оңтүстік-шығыста екпінді жел күтіледі, – дейді «Қазгидромет» РМК.

Республика аумағының көп бөлігінде температуралық фонда айтарлықтай ауытқулар болжанбайды.

– Тек еліміздің солтүстік және шығыс аймақтарында 12-13 сәуірде түнгі уақытта ауа температурасы 1-13 аязға дейін төмендейді деп күтілуде, – дейді «Қазгидромет» РМК.

Материалды әзірлеген Аида РАХЫМҚҰЛОВА