Өткен сенбіде өткен ауыл шаруашылығы жәрмеңкесінде 130 тонна өнім сатылды

20 сәуірде Қарағанды қаласында «Ауыл береке-2024» облыстық ауыл шаруашылығы жәрмеңкесі өтті. Global City сауда орталығының аумағында өткен аталмыш жәрмеңкеде барлығы 130 тонна түрлі өнім сатылды.

Облыстың жеті ауданынан ауыл шаруашылығы тауар өндірушілері, сондай-ақ Қарағанды қаласының кәсіпкерлері мен «Сарыарқа нан Қарағанды» ЖШС, «Мецгер шұжық цехы» ЖШС, «Қарағанды ет комбинаты N1» ЖШС, «Бест 7» ЖШС, И.П.Габриэль және басқа да кәсіпорындар өз өнімдерін ұсынды.

Жәрмеңкеде 52 тонна ет өнімдері, 32 тонна картоп, 10 тонна жеміс-көкөніс, 16 тонна сүт өнімдері, 8 тонна балық өнімдері, 175 мың дана тауық жұмыртқасы, 10 тонна азық-түлік және басқа да өнімдер нарық бағасынан 10-15 пайызға төмен бағада сатылды.

Ілияс ДҮНГЕНБАЙҰЛЫ