Теміртауда абаттандыру жұмыстары басталды

Теміртау қаласының Мәдениет, демалыс саябақтары мен гүлзарлар басқармасының қызметкерлері наурыздың алғашқы күндерінен бастап «Бірлік» гүлзарын абаттандыру жұмыстарын бастады. Бұл жұмыстар 31 мамырға дейін жүргізіледі.

Аталған алаңда магистральдік желілер өтіп, апаттан кейін шұңқырлар пайда болып, тастөсемдер астындағы топырақ деформацияланған.

Бұл аумаққа тастөсемнің бірнеше түрі төселген. Бөлшектелген тастөсемдер саябақ пен гүлзарлар басшылығының меншігіндегі саябақтарда қолданылады. Теміртау қаласының тұрғындары мен қонақтарына ыңғайлы болу үшін орындықтар орнатылып, көпжылдық өсімдіктерге арналған гүлзарлар безендіріледі.

Әділет ШОПЕН,
ТЕМІРТАУ.