Архивы Жаңарқада - «ORTALYQ QAZAQSTAN» газеті

Жаңаарқада екі балабақша ашылды

Content Manager — Thu, 31 Oct 2019 05:33:46 +0000

Жаңаарқа ауданының Атасу кентінде “Балауса” және “Дәрия” деп аталатын екі жаңа балабақша ашылды. Олар мемлекеттік-жеке меншік әріптестік бағдарламасы бойынша ашылған.

“Балауса” балабақшасының ерекшелігі – кешкілік уақытта қызмет көрсетеді, сонымен қатар, демалыс және мереке күндері жұмыс істейді. Балабақша қызметкерлері баланы үйге алып кете алады. Мектепке дейінгі мекеме 100 орынға есептелген. Аталған мекеменің ашылуы 30 адамды тұрақты жұмыспен қамтып отыр.
– Жобаның құнын құраған 30 миллион теңгенің 5 миллионы – өз қаражатым, ал, қалған соманы “Даму” Қорынан несиеге алдым, – дейді “Балауса” балабақшасының құрылтайшысы Бағдат Бекежанова.
60 орынға есептелген екінші жаңа балабақшаның құны 30 миллион теңге. Бұл – құрылтайшы Әсем Орманалиеваның өз қаражаты.
– Балаларды дамыту – ел дамуының маңызды шарттарының бірі. Жарқын болашақтың кепілі жас жеткіншектерді мектепке дейінгі біліммен қамтамасыз ету мақсатында “Дәрия” балабақшасы өмірге келді, – деді Әсем Орманалиева жаңа нысанның ашылу салтанатында сөйлеген сөзінде.

Сообщение Жаңаарқада екі балабақша ашылды появились сначала на «ORTALYQ QAZAQSTAN» газеті.

Жаңаарқада қымыз пісуден рекорд қойылмақ

Wed, 11 Sep 2019 04:02:29 +0000

Қарағанды облысында Жаңаарқа ауданының 90 жылдығы және қазақтың көрнекті ақыны және жазушы Сәкен Сейфуллиннің 125 жылдығы бірге тойланады. 14 қыркүйекте өтетін айтулы салтанатты шара Сәкен Сейфуллинге арналған ескерткіштің етегінде театрландырылған көрініспен ашылмақ.

Мереке Атасу кентінен үш шақырым қашықтықта, Қарауыл төбе елдімекенінде жалғасады. Бағдарламада әртістердің өнер көрсетулері, ұлттық ойындар мен жарыстар, қазақстандық және шетелдік эстрада жұлдыздарының қатысуымен гала-концерт қарастырылған. Мереке соңында отшашу атылады.

Жаңаарқалықтар мейрам ерекше есте сақталып қалуы үшін Гиннестің рекордтар кітабына ену туралы шешім қабыдаған. Ауданда халық шеберлері он мың литр қымыз дайындамақ. Ерлер мен әйелдер ұлттық киімде «Жаңаарка вальсін» орындайды және бір мезгілде 1000 бөшкеде 10 мың литр қымыз араластырады. Аспаздық жетістікті тіркеу үшін Ұлыбританиядан сарапшылар келеді.
Сондай-ақ, «Бауырсақ» және «Палау» фестивальдері барысында тегін дәмнен ауыз тиюгемүмкіндік бар.
Осы күні Сәкен Сейфуллиннің «Жыр Сұңқары» атты мәнерлеп оқу байқауының жеңімпаздары марапатталады.

Сообщение Жаңаарқада қымыз пісуден рекорд қойылмақ появились сначала на «ORTALYQ QAZAQSTAN» газеті.

Жаңаарқада қой шаруашылығын дамыту бойынша семинар өтті

Thu, 11 Jul 2019 10:17:07 +0000

Жаңаарқа ауданының Түгіскен ауылында өңірдегі қой шаруашылығын дамыту мәселелерін талқылаған көшпелі семинар өтті. Семинар жұмысына ҚР Ауыл шаруашылығы министрлігінің Мал шаруашылығы өнімдерін өндіру және қайта өңдеу департаментінің басшысы Е.Ахметов, Қарағанды облысы әкімінің орынбасары С.Шайдаров, ауыл шаруашылығы ғылымдарының докторы, академик Т.Садықұлов, ҚазАТУ проректоры И.Тоқбергенов, Қазақ ұлттық аграрлық университеттің профессоры Ш.Аділханов, сондай-ақ басқа ғалымдар, мамандар, шаруа қожалығының басшылары, әкімшілік өкілдері қатысты.

Облыс әкімінің орынбасары Серік Шайдаров өз баяндамасында Қарағанды облысындағы қой шаруашылығының дамуы туралы айтты. Қатысушылар қой шаруашылығының өзекті мәселелерін, оның қазіргі жағдайы мен болашағын талқылады. Ауыл шаруашылығының осы саласындағы негізгі даму жолдары мен проблемалы мәселелерді шешу жолдары анықталды.
Семинар шеңберінде көрме ұйымдастырылды. Оған асыл тұқымды қойды өсірумен айналысатын жергілікті шаруа қожалықтарының өнімдері, сонымен қатар осы жануарларға арналған азықты өсіруге арналған техникалар әкелінді.
Семинар-отырыс қорытындысы бойынша облыс әкімі Серік Шайдаров аудан әкімдеріне қой шаруашылығы мен жалпы ауыл шаруашылығын дамыту бойынша жұмыстарды ұйымдастыруды, сондай-ақ тұрақты азық базасын құру туралы мәселені қарастыруды тапсырды.

Сообщение Жаңаарқада қой шаруашылығын дамыту бойынша семинар өтті появились сначала на «ORTALYQ QAZAQSTAN» газеті.