Оны Қарағанды облысының білім беруді дамытудың оқу-әдістемелік орталығы мен Әбілқас Сағынов атындағы Қарағанды техникалық университетінің Инновациялық технологиялар колледжі ұйымдастырды.
Іс-шара жастар арасында құқықтық сауаттылықты арттыру, заңдарды түсіндіру және қоғамдық тәртіпті сақтау қажеттілігін көздеді.

Іс-шараны ашқан Инновациялық технологиялар колледжінің директоры Нұрбіби Смағұлова қабылданған бағдарламаны іске асырудың және заңдарды білудің маңыздылығын атап өтіп, қатысушыларға сәттілік тіледі. Іскерлік ойынды гуманитарлық және әлеуметтік пәндер оқытушысы, заң ғылымдарының магистрі Гүлжазира Өмірбекова және тәрбие ісі жөніндегі директор орынбасары Әсел Тәкенова жүргізді.

Ойын мемлекеттік және орыс тілдерінде жүргізілді. Оған Қарағанды облысынан 25 құқықтық емес мамандықта оқитын колледж командалары қатысты.

Іскерлік ойынның нәтижелерін беделді қазылар алқасы бағалады, олардың арасында қоғамдық құқықтық тәртіпті қорғау, сыбайлас жемқорлыққа қарсы департаменттің түсіндіру пулының өкілдері, заң пәндерінің оқытушылары болды.

Ойын қорытындысы бойынша жеңімпаз командалар анықталды.

Мемлекеттік тілде:
1 орынды «Bolashaq» Қарағанды жоғары колледжі иеленді;
2 орын – Әбілқас Сағынов атындағы ҚарТУ-дың Инновациялық технологиялар колледжі;
3 орын – Қазтұтынуодағы Қарағанды экономикалық университетінің экономика, бизнес және құқық колледжі.

Орыс тілінде:
1 орынды Абай Құнанбаев атындағы Саран жоғары гуманитарлық-техникалық колледжі иеленді;
2 орын – Қарағанды жоғары медициналық интерколледжі;
3 орын – Академик Қ. А. Сағынов атындағы колледж-мектеп.

Жеңімпаздар I, II және III дәрежелі дипломдармен марапатталды, сондай-ақ Инновациялық технологиялар колледжінен естелік сыйлықтар алды. Барлық қатысушыларға білім беруді дамытудың оқу-әдістемелік орталығының сертификаттары табыс етілетін болады.

Материалды әзірлеген Аида РАХЫМҚҰЛОВА

Сообщение Құқық білгірлері появились сначала на «ORTALYQ QAZAQSTAN» газеті.

Кәмелетке толмаған екі жасөспірім түнде көпқабатты үйдің ауласында тұрған көліктің салонына кіріп, 4 миллион теңгені қолды еткен. Қазіргі таңда айғақты заттар алынып, күдіктілер қылмысын мойындады. Аталмыш оқиға бойыншы қылмыстық іс қозғалып, тергеу амалдары жүргізілуде.

Ілияс ДҮНГЕНБАЙҰЛЫ.

Сообщение Ұрлыққа түскен екі жасөспірім ұсталды появились сначала на «ORTALYQ QAZAQSTAN» газеті.

Балқаш қаласы полиция бөлімі басшысының орынбасары Ерғазы Артықбаевтың айтуынша, есірткі, психотроптық өнімдерді сақтау, тасымалдауға қатысты барлығы 38 қылмыс анықтаған. Бұл былтырғы жылмен салыстырғанда едәуір өскендігін білдіреді. Қылмыскерлер, әсіресе, марихуана, гашиш сау­далап, синтетикалық есірткі өңдеген. Тіпті, есірткіні өсіргендер де бар. Полиция бөлімі қылмыскерлердің басым бөлігі жасөспірімдер екенін жеткізді. Оларға қатысты ҚР ҚК бойынша қылмыстық жауапкершілік қарас­тырылған.

– Биыл маусым айынан бастап қараша айына дейін рес­публикалық «Қарасора» профилактикалық шарасы өтуде. Жедел алдын алу іс-шарасы негізінде есірткіге қатысты 6 қылмыстық іс анықталды. Оның ішінде, ірі көлемде есірткі затын сақтау бойынша бір қылмыс және тыйым салынған өсімдік өсіру, құрамында есірткі өнімі бар өсімдік өсірудің бір дерегі тіркелді, – дейді Ерғазы Артықбаев.

Айта кетейік, Мемлекет басшысының тапсырмасы назардан тыс қалған жоқ. Былтыр жыл соңында Президент еліміздегі қылмыстық заңнамаларға өзгертулер мен толықтырулар енгізіп, жекелеген қылмыстарға жауаптылық күшейе түскен еді. Бұл өзгертулердің арасында есірткі қылмысы үшін жауапкершілікті қатаңдату мәселесі де бар. Сол өзгертулерге сәйкес, енді бұдан былай есірткіні насихаттағандар мен жарнамалағандар 6 жылға дейін бас бостандығынан айырылатын болды. Есірткінің заңсыз айналымы үшін жауаптылықты көздейтін баптарда жəне есірткіні пайдалануға көндіргені үшін «электронды ақпараттық ресурстарды пайдалану» жəне «қоғамдық орындарда» деген жаңа саралау белгілері енгізілді. Бұдан былай, интернетте, түнгі клубтарда, дəмханаларда, парктерде есірткі айналымына жол салғандар 15 жылға дейін бас бостандығынан айырылса, кəмелетке толмағандарға осындай тəсілмен есірткі сатушылар өмір бойы бас бостандығынан айырылады.

Нұрдос КӘРІМ,
«Ortalyq Qazaqstan»

БАЛҚАШ

Сообщение Есірткіге еліткендер азаяр емес появились сначала на «ORTALYQ QAZAQSTAN» газеті.

Әділет министрлігі халықты құқықтық ақпаратпен қамтамасыз ету сапасының өзектілігін ескеріп, мемлекеттік органдармен және үкіметтік емес ұйымдармен бірлесіп, 2024-2026 жылдарға арналған құқықтық түсіндіру жұмыстары жөніндегі іс-шаралар жоспарын әзірлеген. Жоспардың іс-шаралары әр түрлі мақсатты аудиторияға бағытталған 4 тарауға бөлінген. Біріншісі – ұйымдастыру іс-шаралары.

Ведомство мемлекеттік аппараттың құқықтық түсіндіру жөніндегі барлық жұмысына, сондай-ақ қоғамның неғұрлым өзекті сұраныстарын анықтау үшін азаматтардың өтініштеріне талдау жүргізеді, одан әрі құқықтық түсіндіру бойынша жаңа тәсілдерді әзірлейді.  Бұл жұмыс мемлекеттік органдардың, БАҚ-тың ресми сайтында орналастырылған ақпарат, «Е-өтініш» бірыңғай платформасы арқылы, сондай-ақ халыққа арнайы жасалған екі сауалнама бойынша жүргізіледі.

Бірінші сауалнама құқықтық түсіндіру жұмысының деңгейін және ақпараттың неғұрлым сұранысқа ие көздері мен түрлерін анықтауға бағытталған. Осылайша министрлік халыққа құқықтық ақпаратты қалай дұрыс әрі оңай алуға болатынынын біледі. Бүгінгі таңда сауалнамаға 1783 респондент қатысты.

– Респонденттердің көпшілігі, яғни 71,8 пайызы өздерінің құқықтық білім деңгейлерін «орташа» деп бағалаған. Яғни олардың негізгі заңдар туралы түсініктері бар және қажет болған жағдайда оларды қызықтыратын сұраққа жауап таба алады. Қазақстандықтар құқықтық ақпаратты мемлекеттік органдардың сайттары мен базаларынан (83%) алады. Сауалнамаға қатысқандардың көпшілігі – 90 пайыздан астамы азаматтардың құқықтық мәдениетін орта және жоғары оқу орындарында тәрбиелеу және оқытудан бастау керек деп санайды, – деп мәлімдеді Әділет министрлігі.

Екінші сауалнама аймақтық әділет органдары арқылы құқықтық көмек алатын азаматтардың пікірін есепке алуға бағытталған.

Кері байланыс сауалнамасының көмегімен министрлік ақпарат беру сапасын қадағалайды. Яғни азаматтарға кеңес беру қалай жүргізілетінін, олардың сұрақтарына толық жауап беріле ме, өтініш берушілер жауапқа қанағаттана ма, жоқ па соны талдайды. Бұл сауалнаманы ай сайын ауылдарда өтетін «Заң көмегі күндері» іс-шарасы аясында толтыруға болады. Ай сайынғы акцияны аймақтық әділет органдарының қызметкерлері адвокаттармен, нотариустармен, заң кеңесшілерімен және сот орындаушыларымен бірлесіп ауыл халқына құқықтық көмек көрсету үшін ұйымдастырады.

Сауалнамаға қатысқан респонденттердің саны 1066 адамды құрады. Жалпы, азаматтар тарапынан АӘО, РАА, РНП, РП ЖСО және ҚР өкілдерінің жұмысына қатысты ескертулер болмаған.

Екінші блок азаматтарға ақпаратты өз бетінше зерделеу мүмкіндігін жасай отырып, құқықтық ақпарат беруде мемлекеттің белсенді рөлін күшейтуге бағытталған.

Көбіне қазақстандықтар заңдағы өзгерістер немесе жаңа заңның дайындалып жатқанын сол заң қабылданып қойғаннан кейін бір-ақ біледі. Ал бұл кезде бір нәрсе өзгерту тым кеш. Заңға сәйкес, Қазақстан азаматтары құжатты әзірлеу сатысында қандай да бір нормативтік-құқықтық актіге өз ұсыныстарын енгізуге құқылы.

– Бұл үшін мемлекет азаматтардың пікірін ескеру мақсатында «Ашық НҚА» порталын құрды. Алайда бұл портал туралы барлық азамат біле бермейді. Сондықтан мемлекет осы порталдың жұмысына мүмкіндігінше көп азаматтарды тартуға мүдделі. Осыған байланысты біз @zan.onai Instagram парақшасын ашып, оны қазақ және орыс тілдерінде жүргізіп жатырмыз. Мақсаты: «Ашық НҚА» порталында осы НҚА-ға тікелей сілтеме жасай отырып, әзірленіп жатқан НҚА жобалары туралы қарапайым тілмен түсіндіру, сондай-ақ азаматтарды нормашығармашылық процеске тарту. Сонымен қатар, парақшада ИНФОГРАФИКА, бейне рилс, нұсқаулар түрінде өмірдегі түрлі жағдайлар туралы басқа да құқықтық ақпарат жарияланады, – деді Әділет министрлігіндегілер.

Министрлік Instagram-нан бөлек, «Е-өтініш» жүйесінде «жиі қойылатын сұрақ-жауап» блогын құру, «Әділет» сайтында және НҚА эталондық бақылау банкінде қарапайым түсінікті тілмен заңнаманы түсіндіру және тағы басқа жолдар арқылы құқықтық ақпаратты ұсыну мәселесін пысықтамақ.

Іс-шаралар жоспарының үшінші тарауы өскелең ұрпақты, жастарды құқықтық тәрбиелеу бойынша жүйелі жұмысқа арналған.

Қазіргі таңда мемлекеттің назары өскелең ұрпақтың құқықтық мәдениетін қалыптастыруға бағытталып отыр, өйткені құқықтық тәрбие ерте жастан басталады.

Сондықтан Әділет министрлігі оқушыларға берілетін ақпарат күрделі тілде жазылғанын және оқушылардың жасына және нақты қажеттіліктеріне сәйкес келмейтінін ескеріп, мектептердегі «Құқық негіздері» оқулығының мазмұнын қайта қарау бойынша жұмыс жүргізіп жатыр. Себебі оқушылар мен мұғалімдер үшін мұндай ақпараттарды қабылдау көптеген қиындық тудырып келді.

Бұдан басқа, осы пән бойынша оқыту әдістемесін тұтастай қайта қарауды, сынып сағаттары, қосымша сабақтар аясында құқықтық түсіндіру жұмыстарын жүргізуді, сондай-ақ жастарға кеңес беру үшін Жастар ресурстық орталықтарын тартуды жоспарлап отыр.

Материалды әзірлеген Аида РАХЫМҚҰЛОВА

Сообщение Әлеуметтік желіде қазақстандықтарға жаңа заңдарды қарапайым тілмен түсіндіретін парақша ашылды появились сначала на «ORTALYQ QAZAQSTAN» газеті.

Әйелдер мен балаларға қатысты кез келген сипаттағы зорлық-зомбылық үшін жауапкершілікті қатаңдататын, сондай-ақ отбасы институтын, кәмелетке толмағандардың қауіпсіздігін нығайтатын нормалар енгізілді:

• денсаулыққа қасақана жеңіл зиян келтіру және ұрып-соғу қылмыстық құқық бұзушылық ретінде танылды. Денсаулыққа қасақана ауырлығы орташа және ауыр зиян келтіруге қатысты жауапкершілік қатаңдатылды;
• неке және отбасы, әке болу, ана мен бала институтын нығайтуға негізделген неке және отбасы заңнамасының жаңа қағидаттары, сондай-ақ жалпыадамзаттық, ұлттық, дәстүрлі, мәдени, отбасылық құндылықтарды құрметтеу негізінде балалардың адамгершілік, рухани тәрбиесін қамтамасыз ету қағидаты қарастырылған;
• отбасы, әйелдер мен балалардың құқықтарын қорғау мәселелері жөніндегі байланыс орталығы қызметінің құқықтық негіздері жасалды. Оның рөлін ақпараттандыру саласындағы уәкілетті орган айқындайтын заңды тұлға атқарады. Бұл ретте мемлекеттік органдар отбасы, әйелдер мен балалардың құқықтарын қорғау мәселелері бойынша өзара әрекет етіп қана қоймай, байланыс орталығына азаматтардың өтініштерін қарау нәтижесінде қабылданған шаралар туралы ақпарат беругеміндетті болады;
• тұрмыстық зорлық-зомбылықтан зардап шеккендерге арнаулы әлеуметтік қызмет көрсету үшін отбасын қолдау орталықтарын құруға және олардың жұмысына қатысты мәселелер заңнамалық тұрғыдан бекітілді;
• өзін-өзі өлтіруге итермелегені және ықпал еткені, сондай-ақ өзін-өзі өлтірудінасихаттағаны үшін қылмыстық жауапкершілік енгізілді;
• 16 жасқа толмаған адамдарға сексуалдық сипатта тиіскені үшін қылмыстық жауапкершілік енгізілді. Кәмелетке толмағандарды ұрлағаны және заңсыз бас бостандығынан айырғаны үшін жаза айтарлықтай қатаңдатылды;
• кәмелетке толмағандарды жәбірлегені (буллинг, кибербуллинг) үшін әкімшілік жауапкершілік алғаш рет енгізілді;
• білім беру ұйымдары кәмелетке толмағандар жасаған немесе оларға қатысты жасалған заңға қайшы әрекеттер туралы құқық қорғау органдарына дереу хабарлауға міндетті;
• 16 жасқа дейінгі балалардың қауіпсіздігін қамтамасыз ету мақсатында жол ақысын төлемегені үшін оларды қоғамдық көліктен мәжбүрлеп түсіруге тыйым салынды.

Заңдардың мәтіні баспасөзде жарияланады.

Материалды әзірлеген Аида РАХЫМҚҰЛОВА

Сообщение Мемлекет басшысы әйел құқығы мен балалардың қауіпсіздігін қамтамасыз ететін заңдарға қол қойды появились сначала на «ORTALYQ QAZAQSTAN» газеті.

Салық кодексінің 128-бабына сәйкес салық органы дара кәсіпкер болып табылмайтын жеке тұлға, жеке практикамен айналысатын тұлға 1 АЕК-тен астам салық берешегін төлемеген немесе толық төлемеген жағдайларда берешекті өндіріп алу туралы салықтық бұйрық шығарады,

Алайда, салық органы жеке кәсіпкерлік субъектілеріне қатысты бұйрықтар шығарған, бұл олардың қызметін тоқтатып, құқықтарының шектелуіне соқтырған.

Прокурорлық қадағалау актісі бойынша жалпы сомасы 4 444 641 теңге құрайтын 126 салық бұйрығының күші жойылды, кейіннен жеке сот орындаушылары шектеу шараларын алып тастады.

Қазақстан Республикасы Салық кодексінің 114-бабының 3-тармағының 5-тармақшасына сәйкес хабарламада, заңда белгіленген жағдайларда, салық міндеттемесінің сомасы және (немесе) әлеуметтік төлемдерді есептеу, ұстау және аудару жөніндегі міндеттеме, көрсетілуі тиіс.

 Жоғарыда аталған заң талабына қарамастан, ауданның Мемлекеттік кірістер басқармасы 0 теңге сомасы көрсетілген хабарламалар жіберген.    

Прокурорлық ден қою шараларымен кәсіпкерлік субъектілеріне қатысты 675 хабарлама кері қайтарып алынды.

Қол қоюға уәкілетті емес тұлғаның цифрлық қолтаңбасы бар 23 хабарлама жойылды. 

127 жеке кәсіпкерлік субъектісін заңсыз әкімшілік жауапкершілікке тарту фактілері анықталды.

Мүгедек балалары бар 63 ата-анаға жалпы сомасы 583 658 теңгеге заңсыз есептеу (жеке табыс салығы) жүргізу жолымен  мүгедек балалар мен олардың өкілдерінің конституциялық құқықтарын бұзу фактілері анықталды. Артық төленген соманы қайтару шаралары қабылданды. 

Аида РАХЫМҚҰЛОВА,

Ortalyq.kz

Сообщение Қарағанды Мемлекеттік кірістер басқармасы заңсыз салық төлеушілердің құқығын бұзған появились сначала на «ORTALYQ QAZAQSTAN» газеті.

Активтерді қайтаруда жалпы құны 51 млрд. теңгені құрайтын 18 кəсіпорын жекешелендірудің кешенді жоспарынан шығарылды. Заңсыз пайдалануға берілген 37 жер телімі мемлекетке қайтарылды.

Салық есептілігінде 2,9 млрд. теңгеге капитал шығарғанын жасыр ған 20 кəсіпорын анықталып, жауапкершілік арқалады.

– Жалпы, өткен жылмен салыстырғанда қадағалаудың барлық бағытында оң көрсеткіштер байқалады. Бастысы, қылмыс 20%-ға азайды. Бірде-бір ақтау үкімі шығарылған жоқ. Азаматтардың конституциялық құқықтарын бұзу жайттары бес есе кеміді, – деп мəлімдеді облыс прокурорының міндетін атқарушы Виталий Шабер.

Спикердің айтуынша, қадағалау актілері арқылы 911 млн. теңге өндіріліп, оның 640 млн. мемлекет кірісіне, жалпы сомасы 1,3 млрд. теңгелік мүлік қайтарылған. Өндіріп алынған əкімшілік айыппұлдар 130 млн. теңге шамасында.

5 млрд. теңгеге заңсыз мемлекеттік сатып алулар тоқтатылған. Ден қою шараларымен 90 мыңнан астам азаматтың құқығы қорғалған.

Қадағалау амалдары турасында облыс прокурорының орынбасарлары баяндама жасады. Еске салып өтелік, азаматтардың əлеуметтік хақыларын, экономикадағы заңдылықты сақтауға, кəсіпкер құқықтарын қорғауға, қылмысқа қарсы тұруға, азаптаудың алдын алуға, өзге салаларда да заңдылықтың орындалуын қадағалау прокуратураның негізгі міндеттерінің қатарынан.

Өз кезегінде БАҚ өкілдері қала құрылысы, мемлекеттік сатып алу, аты шулы қылмыстық істерді тергеу, Қарағанды облысының колонияларында бейнебақылау камераларын орнату барысы бойынша қадағалау органының жұмыс нəтижелері туралы өзекті сауалдар қойып, тиісінше жауап алды.

Кездесу соңында Виталий Николаевич журналистерге нəтижелі жұмыстары үшін ақжарма алғысын білдіріп, облыс прокуратурасы өз қызметі туралы халықты хабардар ете отырып, БАҚ қоғамдастығымен бірлескен жұмысқа үнемі даяр екендігін жеткізді.

Ерқанат КЕҢЕСБЕКҰЛЫ,
Ortalyq.kz

Сообщение 90 мың азаматтың құқығы қорғалды появились сначала на «ORTALYQ QAZAQSTAN» газеті.

Даулы мәселелерді шешу кезінде тараптар сот өз мүддесі үшін әрекет етті деп кінә тағып жататыны жасырын емес. Заң аясында ғана үкім шығаруға мәжбүр болатын оларға енді үшінші тарап – медиаторлар көмекке келеді. Жалпы медиаторлар бейтарап, кез келген жағдайға мүдделі емес тарап. Яғни, тараптардың қайсысының болсын көңілінен шығатын шешім қабылдауға көмектесетін адамдар.

Қазақстанда «Медиация туралы» Заң 2011 жылы қабылданған болатын. Осы уақыттан бастап қазақстандықтардың даулы мәселелерді сотқа жеткізбей шешу мүмкіндігі пайда болды.  Содан бері кәсіби және кәсіби емес медиаторлар жұмыс жасауда.

Медиация – азаматтық қоғам институты. Ал азаматтық қоғам кез келген мәселелерді өзі реттеуге қабілетті. Сол арқылы соттардың, мемлекеттің жұмысын жеңілдетеді, баламалы негізде даулы мәселелерді шешу мүмкіндігі туындайды. Кезінде медиация туралы заң осындай рухта дайындалған. Медиация тегін және ақылы болады. Ақылы медиация кезінде арнайы білім қажет болатын болса, тегін медиацияда сотқа жеткізбей, шағын дауларды шешуге көмектесе алатын кез келген адам болуы мүмкін, – дейді, облыстық соттың төрағасы Мұсабек Әлімбеков.

Светлана Шардарбекова, медиация бөлімінің басшысы:

– Елімізде «Медиация туралы» Заң қабылданғаннан бері айтарлықтай жұмыстар атқарыла қойған жоқ. Соттардың жұмысын жеңілдету және медиация институтын дамыту мақсатында «Қоғамдық келісім» мекемесінің жанынан медиация кабинеті ашылып, жұмыс басталып кетті. Медиацияны халыққа түсіндіру мақсатында бей­неролик дайындалып, халық көп шоғырланатын орындарда, бұ­қа­ралық ақпарат құралдарында көр­сетіліп жатыр. Бөлімнің жұмыс жос­парына сәйкес, меморандумға қол қойылғаннан кейін аймақтарға шы­ғып, медиация институтын дамыту және халыққа медиация дегеннің не екендігін түсіндіру мақсатында іссапар жоспарлап отырмыз.

Медиатордың басты мақсаты – екі тарапқа оңтайлы шешім табу. Яғни, екі тараптың да көзқарасын, пікірін ескере отырып, дұрыс шешім қабылдауға көмектесетін адам. «Қоғамдық келісім» мекемесінің жанынан ашылған медиация бөлімінің мақсаты – облыстағы медиаторлардың жұмысын үйлестіру, бағыт-бағдар беру.

Кез келген дау – сындарлы шешімге ие. Жеңіл және орташа ауырлықтағы қылмысқа қатысты дауларды шешуде ақылы медиаторға жүгіну екі тарапқа да арзанға түсетіні рас.  Себебі, сотқа жүгіну арқылы адвокаттың қызметі, мемлекеттік шығындар сияқты қызметтерге төленетін құн арқылы екі есе шығынға бату кез келгеннің қалтасын көтере бермесі анық.

Салтанат ИЛЬЯШОВА

Сообщение Медиаторға жүгіну неліктен оңтайлы? появились сначала на «ORTALYQ QAZAQSTAN» газеті.

Жер қатынастары, жер ресурстарын басқаруға, жер телімдерінің жеке субъектілермен бекітілуіне, жерге жекеменшік құқықтарын және басқа да құқықтарды жүзеге асыруға байланысты жерді қолдану және қорғау мәселелері түсіндіріледі.

Жер телімдері құқықтары туралы талап-арызды қарауда сот оның орналасқан жері және шекарасы, жерге құқық белгілеуші құжаттарды тексереді. Оларға – жер теліміне деген құқықты ұсыну туралы әкімдердің құқықтық актілері, сатып алу-сату келісімі және жер теліміне жекеменшік құқығын тану және басқа да құқықтарды тану жатады.

Жер даулары құрылымында жерді өз еркімен иеленген және өз еркімен салынған құрылыстарды бұзу даулары ерекше орын алады. Өз бетімен құрылыс салуға – заңмен белгіленген тәртіпке жатпайтын тұрғын үй, басқа да құрылыстар, бөгет салу немесе басқа да тұрғызылған жылжымайтын мүліктер жатады.

Жеке мүлік құқығы туралы даулардың пайда болуын шешуде, бір жер теліміне екі немесе одан да көп жер пайдаланушылар, сонымен қатар, жер телімдері шекараларының бұзылуы қарастырылады. ҚР ЖК 43 бабына сәйкес, егер, атқарушы органның шешімінде қарастырылмаған жағдайда, шекарасын белгілеуге дейін, жер телімін қолдану және жер ресурстарын басқарушы өкілетті органның жер телімін пайдалану құқығын куәландыратын құжаттарын беруіне жол берілмейді. Бұл талаптардың сақталмауы жер телімін өз бетімен пайдалану болып саналады.

Тұлғаның жер теліміне мемлекеттік актіні алуына дейін, атқарушы орган жер теліміне құқықты ұсыну туралы шешімнің күшін жоятын жағдайлар да болады. Жер пайдаланушы көрсетілген құжаттарды алу уақытынан бастап, уақытша немесе тұрақты қолданудың жеке мүлкі түріндегі жер телімін иеленеді. Сондықтан, құқық бойынша пайда болған даулар, тек, сот тәртібімен шешіледі. Сот жер дауларын қарауда, басқа да дау түрлеріндей, жеке мүлікті тиісті түрде қорғауы керек.

Бибігүл ТӨЛЕГЕНОВА,

Қарағанды облысының мамандандырылған ауданаралық экономикалық сотының судьясы.

Сообщение Азаматтық істерді қарау ашықтықты талап етеді появились сначала на «ORTALYQ QAZAQSTAN» газеті.