Қарағанды қаласының Қазыбек би ауданының әкімі Татьяна Шатохина бүлдіршіндерді мерекелерімен құттықтап, жылы лебізін білдірді. Балалар да өз кезегінде тақпақ айтып, билеп, ойын-сауық құрып, шын көңілмен көңіл көтерді. Мереке соңында балаларға тәтті сыйлықтар үлестірілді.

     Мерекелік іс-шараға қоғамдық ұйымдардан «Үміт» мүгедектер еркін қоғамы» қоғамдық бірлестігі, «Арман» мүгедектер еркін қоғамы» қоғамдық бірлестігі, «Қазақ саңыраулар қоғамы» қоғамдық бірлестігі, «Лучик надежды» қоғамдық бірлестігі, «Қазақ нашар көретіндер қоғамы» қоғамдық бірлестігі, «Қамқор» мүгедектер еркін қоғамы» қоғамдық бірлестігі, сонымен қатар, Қазыбек би ауданының көп балалы және аз қамтылған отбасыларының 200-ден астам балалары қатысты.

Өз тілшімізден.

ҚАРАҒАНДЫ қаласы.

Сообщение Балалық – бақыт бесігі появились сначала на «ORTALYQ QAZAQSTAN» газеті.

    Ертеңгілікте балақайлар түрлі ертегі кейіпкерлерінің, жыл атауларының кейпіне еніп, би билеп, тақпақ айтып, өнерлерін көрсетті.

    «Ертегі» балабақшасы балақайларының бәрі өнерлі. Шара барысында балаларының өнерлеріне тәнті болған ата-аналар да риза. Тәрбиеші Айдана Серікованың жетекшілігімен дайындалған тартымды шара балалардың таным көкжиегін кеңейте түсті. Яғни, шара арқасында балалар қазақша жыл атауларын үйреніп, жыл мезгілдеріне арналған тақпақтарды жатқа айтты.

    Мерекеде ән де айтылды, би де биленді. Балабақша балақайларының қуанышында шек жоқ.

Өз тілшімізден.

Сообщение «Ертегінің» ертеңгілігі появились сначала на «ORTALYQ QAZAQSTAN» газеті.

– Қату болмаңдар, тату болыңдар. Оң қолдарың айбалтаға ұмтылғанда сол қолдарың араша болсын. Шаңы­рақтарың бөлек болған соң, қо­cақ­та­рың қоңырсытып, көңірсітіп ошақ­тарыңда от жағады. Тезге салып көріңдер, тек сындырып алып жүр­меңдер. Түзейтін екі адам келеді, – деп жүре беріпті.

Өмір – уақыт бір орында тұра ма? Арада талай жыл өтеді. Ағайынды екі жігіт қосақтарының қоңырсытқанын, көңірсіткенін байқамайды. Әкелерінің сол сөзіне таңырқап, кейін ұмытып та кетеді. Ағайындылар үнемі қоңсылас қоныс тебеді екен. Бара-бара бір ауылдың қоңырсыған, көңірсіген иісі екіншісіне тез-ақ жететін болады. Ақыры екі араға сызат түседі. Асқына келе екі ағайынды қалың жыраның екі жағына қоныстанып, араласпайтындай араздасады.

Күндердің күнінде екі ауылға бір мезгілде қайын аталары ат басын тіреп, қонақ болады. Екі ақсақал да жыраның екі жағында тұрып, күйеу балаларынан мән-жайды сұрайды. Ағайындылар бірін-бірі жамандайды.

– Жарайды, бүгін түнде екеуіңнің араларыңдағы мына жыраны терең орға айналдырып беремін, – депті, екі ақсақал екі жақта тұрып, бірінің аузына бірі түкіріп қойғандай.

Күн батады, түн басады, таң атады. Ағайындылар атып тұрып, орға қараса, баяғы жыраның орнында екі ауылды қосатын әсем көпір салыныпты. Екеуі екі жақтан тұра ұмтылып, құшақтасып, татуласыпты. Екі ақса­қал екі ел ұйықтап жатқанда аттанып кеткен екен. Болған оқиға ма, ойдан шығарылды ма біле қоймадым. Әйтеуір, атам қазақтың бізге жеткен сөзінің күресінге күреліп кеткенін көрмедім. Бүгінде көпір емес, екі араға ор мен біреуге көр қазушылар, көбейіп бара жатқандай көрінеді. Бәлкім, қателесетін шығармын. Қате­лессем екен.

Мағауия СЕМБАЙ

Сообщение Көпір появились сначала на «ORTALYQ QAZAQSTAN» газеті.

Фестивальге Қарағанды облысының кәсіби С.Сейфуллин атындағы Қарағанды облыстық қазақ драма театры, К.Станиславский атындағы Қарағанды мемлекеттік орыс драма театры, Қарағанды академиялық музыкалық комедия театры, С.Қо­жамқұлов атындағы Жезқазған қазақ музыкалық-драма театры, Теміртау қаласының балалар мен жасөспірімдер театры, сондай-ақ, халықтық және үлгілі көркемөнерпаз театр ұжымдары және облыстық конкурс лауреаттары қатысты.

Фестиваль театр фойесінде бүлдіршіндердің салтанатты шараның ашылуын тамашалауынан басталды. Көрермендер венгриялық драматург Д.Урбанның «Все мыши любят сыр» ертегісі негізінде сұр және ақ тышқандар арасындағы жаулық пен татуласу желісін көріп көзайым болды. Шара барысында ресейлік драматург Г. Махмудовтың «Песочница» (қоюшы-режиссер – О. Попиловская) ертегісінде әлемдегі оқиғаларды қуыршақтар арқылы көрді. Ертегіні «Ровесник» үлгілі балалар драма театры қойды.

Сондай-ақ, С.Цирюктың (автор және қоюшы-режиссер) заманауи қойылымындағы араб ертегісі «Алладин», Е.Пермякованың «Отпен ойнама» (қоюшы-режиссер – А.Қырықбаев) ертегілері сахналанды. Р.Киплингтің «Книга джунглей» желісі бойынша «Маугли» (қоюшы-режиссер – Т.Әб­дірәлім) ертегісін С.Қожамқұлов атындағы Жезқазған қазақ музыкалық-драма театры қойды. Адал жүрек, қызғаныш пен дұшпандық жөніндегі «Молодильные яблоки» орыс халық ертегісін (қоюшы-режиссер – М.Маскалюк) Теміртау қаласының балалар мен жасөспірімдер театры ұсынды.

Шараның жабылу салтанатында қатысушыларға фестивальдің құрылтайшысы Қарағанды облыстық мәдениет, архивтер және құжаттама басқармасының атынан дипломдар табысталды.

Аяулым СОВЕТ

Сообщение Кішкентай көрермендерге арналды появились сначала на «ORTALYQ QAZAQSTAN» газеті.