«Бала кезімнен темір-терсекке, құрал-саймандарға ынтық едім. Өсе келе осы мамандықты меңгердім. Шынымды айтсам, пайдама жарап, өмірлік кәсібіме айналдырамын деп еш уақытта ойламаған едім. Дегенмен, қазіргі заман талабы өз ырқына көндірді. Ол кезде дәнекерлеуші менсіз де көп еді. Алайда, дәнеркерлеу ісін шебер жасай білуіме қарай осы жұмысты алып кеттім», – дейді Айгүл.

Қамтамасыз ету батальонының жөндеу цехы ширек ғасырдан артық уақыттан бері үздіксіз қызмет етіп келеді. Бүгінде цех әскер күштерін, әскери техникаларды қажетті тетіктермен толыққанды қамтамасыз етіп отыр. Шығарылған өнімдер осы өңірлікке қарасты әскери бөлімдерге жіберіледі. Айгүл – аталған цехтағы шеберқолды, темірден түйін түйетін жұмысшылардың бірі. Өз мамандығына мығым, жұмысына ұқыпты.

Думан ҚҰРМАНҒАЛИЕВ.

Сообщение Темірді қамырша илеген появились сначала на «ORTALYQ QAZAQSTAN» газеті.

   «Астана» өңірлік қолбасшылығына қарасты 31775 әскери бөлімінің «Спасск» оқу-жаттығу орталығында жиі-жиі оқу-жаттығу жиындары өтіп тұрады. Сол жаттығулар кезінде өзінің алғырлығымен, шеберлігімен көзге түскен жауынгерлер ұдайы басшылық тарапынан марапатталады. Мәселен, таяуда өткен жауынгерлік взвод атыс кезінде қатардағы жауынгер Жандос Айтқали жауынгерлік шеберлігі және өзіне бағынышты жеке құрамды ұтымды басқарғаны үшін үздік атанды. Өңірлік қолбасшылықтың қорытынды жиынында құрметке ие болды.

Жандос 1993 жылы 18 қаңтарда Алматы облысы, Алмалы ауылында қарапайым отбасында дүниеге келген.

Жастайынан Жандосты әкесі еңбекке және отансүйгіштікке баулыды. Мектеп қабырғасында оқып жүрген кезіндегі ең бірінші арманы – әскери салада, Отан қорғау саласында қызмет атқару болған екен.

Сол арманына бүгінде қолы жеткен. Өзіміз көріп отырғандай, қазіргі уақытта Жандос «Астана» өңірлігіне қарасты 31775 әскери бөлімінде 1-ші мотоатқыштар батальоны, 1-ші мотоатқыштар ротасы, 1-ші взвод, 1-ші бөлімше командирі болып Отан алдындағы борышын мінсіз атқаруда. Қазіргі уақытта 31775 әскери бөлімінің бетке ұстар келісім-шарт қызметкері ретінде алдыңғы қатарда жүр.

Бос уақытын да текке өткізбейді. Шағын футбол командасының белді мүшесі. Қазақтың әр жас жігіті Жандостай азаматтардан үлгі алса дейміз.

Думан ҚҰРМАНҒАЛИЕВ.

ҚАРАҒАНДЫ қаласы.

Сообщение Үздік командир появились сначала на «ORTALYQ QAZAQSTAN» газеті.

Астана өңірлік қолбасшылығы әскерлеріне қарасты 31775 әскери бөлімінің 1 мотоатқыш батальонының взвод сержанты Дәурен Серікбаев курста өзінің біліктілігімен көзге түсті.

Курстың бағдарламасына сәйкес, ол оқ ату, дене даярлығы, әскери топография және басқа да оқыту пәндері бойынша білімін көрсетті. Сондай-ақ, курстық медаль, грамотамен марапатталды.

Жарайсың, Дәурен!

Думан ҚҰРМАНҒАЛИЕВ.

Сообщение Жарайсың, Дәурен! появились сначала на «ORTALYQ QAZAQSTAN» газеті.