Әскери бөлімде ашық есік күні өтті
Приозерск гарнизонынында орналасқан 44841 әскери бөлімінде ашық есік күні өтті. Іс-шараға №2 жалпы білім беретін мектебінің жас сарбаздар сыныбының оқушылары қатысты. Приозерск гарнизонынының бастығының орынбасары подполковник Нұрасыл Хасенов арнайы қарсы алып, қызмет барысымен таныстырды.
Жас сарбаздар келген адамдарды қабылдау, құжаттарын тексеру, әскери бөлімге өту рұқсат қағазының дұрыстығын анықтау, ұялы телефон сияқты байланыс құралдары мен қолдағы бар артық затты кезекшіге тапсыру сынды қызмет түрлерінің қалай жүзеге асатындығымен танысты.
Одан бөлек, сарбаздардың жатын орыны мен күн тәртібі жайында ақпар алды. Белгіленген күн тәртібінде сарбаздардың таңертеңнен кешке дейінгі тыныс-тіршілігі баяндалды.
Сондай-ақ, жас сарбаздарға Калашников автоматын қалай шашып және қалай жинау керектігі де көрсетілді. Газ тұмшасын кию әдісі де көрсетіліп, түрлі жаттығу жұмыстары орындалды
Думан ЖҰМАШҰЛЫ,
Приозерск гарнизонының баспасөз хатшысы.
