«Сарыарқа» есе қайтарды

Хоккейден ел чемпионатының ХХІІ турында қарағандылық «Сарыарқа» өз алаңында «Торпедо» клубын қабылдады. Жерлестер алғашқы ойында 3:6 есебімен есе жіберсе, қарымта кездесуде 3:2 есебімен жеңіске жетті.

Қарымта ойын қос команда үшін оңайға соқпады. Алғашқы ойындағыдай емес, бұл жолы қақпаға аз шайба кірді. Ойынның алғашқы бөлігінде қарсыластар есеп ашты. Гол авторы – Богдан Сенотов.

Алаң иелері екінші таймда ғана есепті теңестірді. Бұл жолы Александр Ананичев қарсылас қақпасынан саңылау тапты. Үшінші айналымда «Торпедо» шабуылшысы Евгений Гасников шайба салып, есепте алға шыққан-тын. Алайда, араға 10 минут салып жерлестер таразы басын теңестірді. Гол авторы – Руслан Демин.

Үш таймның қорытындысы бойынша есеп тең болғандықтан, ойын овертайм уақытына ұласты. Бұл кезеңде «Сарыарқа» сапынан Даниил Апалков қарсылас қақпасына шайба салып, командасына жеңіс сыйлады.

Ербол ЕРБОЛАТ,

ortalyq.kz