Плей-офф: жерлестер алғашқы кездесуде жеңіске жетті
Қарағандылық «Сарыарқа» хоккей клубы ел чемпионатының плей-офф кезеңіндегі алғашқы ойынын өткізді. Сырт алаңда «Хумо» клубымен кездесіп, ойынның негізгі бөлігінде 5:5 есебімен тең түсті. Шешуші овертайм уақытында жерлестер қарсылас команда қақпашысынан айласын асырып, жеңіске жетті.
Алғашқы айналымда үш шайба салынды. Ойынның 15-ші минутында «Сарыарқа» сапынан Глеб Зайцев есеп ашты. 17-ші минутта Тимур Шингареев көзге түсіп, есепті еселеді. Араға бір минут салып қарсылас команда шабуылшысы Вадим Щегольков есеп алшақтығын қысқартты.
Екінші айналымда алаң иелері таразы басын теңестірді. Шайба авторы – Павел Синявский. Артынша 26-шы және 30-шы минутта Руслан Демин қос шайба авторы атанды. Есеп – 2:4.
Ойынның 43-ші минутында жерлестер сапынан Александр Коннов есеп алшақтығын тағы бір мәрте ұзартып, 2:5 есебімен сөзсіз алға шықты. Бірақ, алаң қожайындарының ойыны үшінші айналымнан бастап ширай бастады.
50-ші минутта – Илья Назаревич, 51-ші минутта – Вадим Щегольков, 56-шы минутта – Павел Синявский таразы басын теңестіріп кетті.
Осылайша қос команда арасындағы ойын овертайм уақытына ұласты. Бұл таймда жерлестер сапынан Глеб Зайцев көзге түсіп, командасына жеңіс сыйлады.
Ербол ЕРБОЛАТ,
Ortalyq.kz
