Облыста үсік шалған 9 адам ауруханаға түсті

Қарағанды облысында бірнеше күн бойы қалың қар жауып, артынан аяз көтерілгені белгілі. Аязды күні үсік шалып, ақ халаттылардың көмегіне жүгініп жатқан облыс тұрғындарының қатары артқан, деп хабарлайды Ortalyq.kz облыстық денсаулық сақтау басқармасына сілтеме жасап.

 — 2023 жылдың 1 қаңтары мен 10 қаңтары аралығында Қарағанды ​​облысында үсік шалған 9 адам ауруханаға түсті. Оның екеуі амбулаторлық ем алуға шығарылды. 7 науқас облыстағы ауруханаларға жатқызылды, — деп хабарлайды Қарағанды ​​облысының денсаулық сақтау басқармасы.