Құндылықтар дәріптелді

      №34 жалпы білім беретін орта мектеп ұрпаққа тәрбе беретін ұлттық құндылықтарды дәріптейтін айшықты шаралар ұйымдастырды.

      Іс-шаралар мектеп оқушылары мен ата-аналардың бірлесуімен өтті. 7-9 сынып оқушылары арасында өткен «Мен азаматпын», «Алғыр­лар» қа­ла­лық және басқада байқауларға қатысқан оқушылардың үздік жоба­ларының көрмесі өз алдына бір төбе.

      Бастауыш сынып оқушылары мен мектеп кітапханасы бірлесіп «Мә­дениет және руханият», «Қазақ­станның мәдени мұрасы» атты оқыр­мандар конференциясын өткізді. Оқушылардың ұлттық мәдениетке деген қызығушылықтарын арттыру мақсатын көздеді. Мәдени құнды­лықтарды бағалай білетін, рухани зияткерлігін қалыптастыра отырып , мәдени ой-санасын дамыту көзделді. Шаралар соңы «Тәуелсіздік – аңсаған арман, қол жеткен мұра» атты үлкен салтанатты мерекелік кешке ұласты. Кеш барысында патриоттық әндер орындалды.

Гүлжанат ЖОЛДЫБЕКОВА,

№34 жалпы білім беретін орта мектептің кітапханашысы.

ҚАРАҒАНДЫ қаласы.