Наурыз – жаңару мен жаңғырудың бастауы

Көктем – табиғаттың жаңарып, тіршілік қайта жанданатын мезгіл. Наурыз – көктемгі жаңару мерекесі, көктемгі жаңарудың, сүйіспеншіліктің, мейірімділік пен достықтың белгісі. Сондықтан бүгін, 19 наурыз – наурызнама онкүндігіне сәйкес «Жаңару күні».

Наурызда жер тоңы жібіген соң айналаны тазалап, ағаш отырғызады.  Наурыз айында ел аумағында отырғызатын жаңа көшеттер тәрізді бұл күндері қоғамдық мәдениетке Наурыздың жаңа дәстүрлері сіңіріледі. Отырғызылған көшеттер өніп шығып, ағаштар жеміс бергені сияқты жаңа идеялар бен құндылықтар өз жемісін беріп, қоғамымызды нығайтып, өркендеуге жетелейді.

Бүгін, Теміртау қаласының қысқы бағында жаңа ағаштар отырғызылады. Қарағандыда биолог ғалымдармен кездесулер ұйымдастырылып, олар жасыл желектерді дұрыс егу және оларды күту туралы үйретеді.

Аида РАХЫМҚҰЛОВА,

Ortalyq.kz