Әлем чемпионатында күміспен күптелді

Футзалдан Біріккен Араб Әмірлігінің Рас-эль-Хайм қаласында өткен әлем чемпионатынан Қазақстан құрамасы ІІ орын иеленді. Айта кетейік, ұлттық құрама сапында әуесқойлар арасындағы ел чемпионатында топ жарған қарағандылық «Биосфера» командасының ойыншылары да бар.

Отандастарымыз ақтық кезеңде Румыния футболшыларымен кездесті. Ойынның соңғы минутына дейін отандастарымыз 1:2 есебімен жеңіп тұрған еді. Алайда, соңғы минуттарда қарсыластар таразы басын теңестіріп кетті. Өкінішке орай, ұлттық құрама пенальти сериясында 11:12 есебімен жеңіліп қалды.

Айта кетсек, бұған дейін ел құрамасы 2015, 2017 жылдары әлем чемпионатынан ХІ орын иеленген еді. Бұл жолы А тобында өнер көрсетіп, Гана, Үндістан, БАӘ құрамасын жолда қалдырған болатын. Одан кейін, Мексика, Чехия, Әзірбайжан құрамасын жеңіп, ақтық кезеңгі жолдама алды.

Ербол ЕРБОЛАТ,
Ortalyq.kz