КӘСІПКЕР «АЛТЫН ҚЫРАН» МЕДАЛІНІҢ ИЕСІ
Шағын және орта кәсіпкерліктің ел экономикасын дамытудағы алар орны ауқымды. Балқаштық кәсіпкер Серік Қасымбеков он жылға тарта уақыттан бері құрылыс салумен шұғылданып келеді. Әуелде шап-шағын ұжыммен бастаған кәсіпкердің шаруасы іргелі ұжымға айналды. Қазір ол басқаратын «Балқаш Жібек жолы» ЖШС облыс көлемінде құрылыс салуды кеңінен өрістетіп, тұрғындарға заманауи сәулетті ғимараттар салып беруде. Жұртшылықтың құрметіне, алғысына бөлену де бір бақыт.
Жуырда «Бейбітшілік әлемі» Халықаралық Қазақ творчестволық Бірлестігі тәуелсіздік жылдардағы құрылыс саласын дамытып, ел экономикасын өркендетуге қосқан лайықты үлесін жоғары бағалап, Серік Төлегенұлын «Алтын қыран» медалі және арнайы дипломымен марапаттады. Бұл құрмет – халықаралық жоғары мәртебе болып табылады.
Марапатты Балқаш қаласы мәслихатының хатшысы Қадіржан Тейлянов салтанатты жағдайда тапсырып, үздік кәсіпкердің алдағы уақытта да биік белестен көріне беруіне тілектестік білдірді. Кәсіпкер Серік Төлегенұлы қалалық мәслихаттың депутаты.
Оралбек ЖҮНІСҰЛЫ
Балқаш қаласы.
