Кәсіби құзыретті тұлға

Елімізде іске асырылып жатқан реформалар білім ошақтарының білім беру мазмұнын жаңа сапалық тұрғыдан дамыту тұрғысында маңызды мәселеге айналып отыр. Тұлғаны жан-жақты дамытуда нарықтық қатынастарға еркін араласу – интеллектуалдық және кәсіби сапалық жағынан әлемдік бәсекеге қабілетті құзыретті маман даярлап шығаруды міндеттейді.

Қазақстан Республикасының Президенті Нұрсұлтан Назарбаев­тың «Қазақстан – 2050: Бір мақсат, бір мүдде, бір бола­шақ» атты жыл сайынғы Қазақстан халқына Жолдауында : «Орта білім жүйесінде жалпы білім беретін мектептерді Назарбаев зияткерлік мек­тептеріндегі оқыту деңгейіне жеткізу керек. Мектеп түлектері қазақ, орыс және ағылшын тілдерін білуге тиіс. Оларды оқыту нәтижесі оқушылардың сындарлы ойлау, өзіндік ізденіс пен ақпаратты терең талдау машығын игеру болуға тиіс. Келешекте жастардың тех­никалық білім алуын мемлекеттік кепілдендіруге көшіруді қарас­тыру қажет» деп атап өткен болатын. Осы мақсатта қала­мыздағы мектептерде «Үш тұғырлы тіл саясаты» аясындағы жұмыстар жүзеге асырылуда. Мұғалім үшін оқушылардың үш тілде білімдерін арттыру мақсатында құзырлылық пен құзыреттілік ұғымдары бас­ты орынға қойылды. Яғни, оқыту үрдісінде оқушының таным­дық қабілетін дамытуда оны шығармашылыққа баулу, білім­ділігін арттыру қажет. Құзы­реттілік тұрғысында мұғалім білім мен дағдыны тәжірибеде қатар қолдана алуы тиіс. Оқушы дайындай отырып, білім беруде оқушының қабілетін бағалау құзыреттілігі басты орында.

Г. БЛЯЛОВА,

45 гимназияның бастауыш сынып мұғалімі.

Пікір қалдыру

Сіздің e-mail жарияланбайды. Толтырылуы міндетті *

This site uses Akismet to reduce spam. Learn how your comment data is processed.