Ертең аймақта қатты аяз болып, жел күшейеді

Ертең Қарағанды облысында екпіні секундына 18 метрге жететін қатты жел соғып, төмен температура сақталады. Бұл туралы төтенше жағдайлар департаменті мамандары мәлімдеді. 

– Тұрғындар ауа райына сай киінуді және мүмкіндігінше елді мекендерден тыс жерлерге саяхаттауды шектеу керек. Ертең күндіз Қарағанды облысының оңтүстігінде  солтүстік-шығыстан жел соғып, екпіні 18 м/с жетеді. Түнде облыстың шығысында 35-38 градус қатты аяз сақталады, – деп ескертеді төтенше жағдайлар департаментінің баспасөз қызметі.

Ілияс ДҮНГЕНБАЙҰЛЫ.