Басым бағыттар – бақылауда

Ауылдық жерлерде дарынды балаларды Облыс әкімдігінде анықтау, ерекше қажеттіліктері бар балаларды қолдау, аға буынға қамқорлық көрсету – Nur Otan партиясы Төрағасының бірінші орынбасары Бауыржан Байбек партияның Қарағанды облысындағы жол картасының орындалу барысымен танысты.

Өңірде 5 жылға жоспарланған 1814 іс-шараның 25%-ы орындалды. Жыл басынан бері 308 мың шаршы метр тұрғын үй, 72 шақырым газ құбыры, 46 шақырым су құбыры және кәріз желілері салынды, 1,4 мың км жол жөндеумен қамтылды. 60,4 млрд. теңгеге мыңнан астам бизнес-жобаларға қаржылық қолдау көрсетілді. 20 мыңнан астам жұмыс орны ашылды.

Мемлекет басшысының «Өзгерістер жолы: әр азаматқа лайықты өмір!» сайлауалды бағдарламасында атап өтілген басым бағыттарға ерекше назар аударылды. Маңызды бағыттардың бірі – ерекше білім беру қажеттіліктері бар балаларды қолдау.

Бауыржан Байбек партияның Қарағанды филиалының төрағасы, облыс әкімі Жеңіс Қасымбекпен бірге әл-Фараби атындағы мектеп-гимназиясында болып, инклюзияны қолдау кабинетінің жұмысымен танысты, оқушылардың ата-аналарымен әңгімелесті. Олардың айтуынша, заманауи әдістемелер мен «Болашақ» қоры оқытқан мамандардың арқасында балалардың әлеуметтік және академиялық дағдылары айтарлықтай дамыды.

Соңғы екі жылда облыстың сегіз мектебінде инклюзияны қолдау кабинеттері ашылды, оның төртеуі – «Болашақ» қайырымдылық қорымен бірлесіп жүзеге асырылады. Инклюзивті тәжірибеден өткен педагогтардың үлесі 32-ден 60%-ға өсті.

Дарынды балаларға да ерекше назар аударылуда. Партия өкілдері Осакаровкадағы жаңартылған техноорталықта болып қайтты. 654 бала үшін мұнда 26 тегін үйірме жұмыс істейді, оның ішінде бағдарламалау студиясы, робототехника, жасанды ой-өріс, баламалы энергетика зертханалары. Оқытушылар арасында «Дипломмен ауылға!» бағдарламасына қатысушылар бар.

Осакаров технопаркінен басқа, биыл Қарағандыда жасөспірімдер сарайы, Ақтоғай ауданында Қосымша білім беру сарайы және Жаңаарқа ауданында Жасөспірімдер үйі ашылды.

Аға буын өкілдеріне қамқорлық жасау да Nur Otan басымдықтарының бірі болып табылады. Қарағанды Достық үйі жанындағы белсенді ұзақ өмір сүру орталығында «Ардагерлерді ардақтайық» партиялық жобасы аясында лингафондық сыныптар, би және спортпен айналысуға арналған зал, сондай-ақ егде жастағы адамдарға арналған шығармашылық және оқыту сыныптары құрылды.

– Аға ұрпақты белсенді қоғамдық өмірге тарту үшін осындай орталықтар бүкіл ел бойынша ашылатын болады, – деп атап өтті Бауыржан Байбек.

Облыс әкімінің баспасөз қызметі.