Балқашта тағы бір рұқсат етілмеген қоқыс полигоны анықталды

Балқаштық экологтар қала әкімдігімен бірлесіп тағы бір рұқсат етілмеген қоқыс полигонын анықтады.

Экология департаменті баспасөз қызметінің мәліметінше полигон ғарыштық мониторингтің көмегімен анықталған. Қазіргі таңда 90-шы квартал аумағында, теміржолға қарай орналасқан рұқсат етілмеген үйінділерді жою мәселесімен қала әкімдігі айналысуда.

Естеріңізге сала кетейік, 9 қарашада Экология департаменті Балқаш қаласындағы Спицын көшесі мен 10 ықшамауданы ауданында заңсыз топырақ өндірілген карьерді анықтаған болатын.

Ілияс ДҮНГЕНБАЙҰЛЫ.