Бақбергенова – ақтық кезеңде

Қытайдың Ханчжоу қаласында өтіп жатқан ХІХ жазғы Азия ойындарында тағы бір спортшымыз финалға шықты.

Отандасымыз жақында ғана әлем чемпионатында қола жүлде иеленген болатын. Енді Азия ойындарының финалына жолдама алды. Ол Азия ойындарында әйелдер күресінен 76 келіде белдескен Жәмилә Бақбергенова үндістандық Киран есімді спортшыны жеңіп, финалға жолдама еншіледі.

Жерлесіміз алғашқы белдесуінде Өзбекстан құрамасының спортшысы Светлана Окназарованы, ширек финалда моңғолиялық Ариунджаргал Ганбатты жарыс жолынан шығарды. Ақтық бәсекеде Қырғызстан спортшысы Айпері Медетқызымен немесе Тайбэй өкілі Хуей Чангпен күреседі.

Аида РАХЫМҚҰЛОВА,

ortalyq.kz