Азия Пара ойындары: алғашқы жүлде қоржынға түсті

Бүгін Қытайдың Ханчжоу қаласында өтіп жатқан Азия Пара ойындарында Пара каноэдан сынға түскен отандастарымыз жүлделі орыннан көрінді.

Пара каноэдан бақ сынаған Бибарыс Спатай 43.601 секунд нәтижесін тіркеп, Азия Пара ойындарының күміс медаль иегері атанды.

Ал, Максим Богатырев 58.479 секунд нәтижесін тіркеп, қола жүлдегер атанды.

Сонымен қатар, VL3 200 жекелей бағдарламасында өнер көрсеткен Жаңыл Балтабаева ІІІ орын иеленді.

Байрақты бәсекеде 131 спортшымыз 14 спорт түрінен өнер көрсетуде. Олар 485 медаль жиынтығын сарапқа салады.

Ербол ЕРБОЛАТ,
Ortalyq.kz