Қазақстанда алғашқы қоңырау күні ауыса ма?

Биыл 1 қыркүйек жексенбіге келіп тұр. Ал, соған байланысты «алғашқы қоңырау күнін ауыстырыла ма?» деген сауал туындайды. Бұл сұраққа оқу-ағарту министрі Ғани Бейсембаев жауап берді, деп хабарлайды Ortalyq.kz Ulysmedia.kz сайтына сілтеме жасап.

Министр өз сөзінде:

– 1 қыркүйек – дәстүрлі түрде оқушылар үшін айтулы күн. Сондықтан 1 қыркүйекте білім күніне арналған жиын өткізіледі, – деді.

2024-2025 оқу жылы

Оқу жылы 2024 жылдың 1 қыркүйегінде басталып, 2025 жылдың 25 мамырында аяқталады. Оқу тоқсандары мен демалыстардың ұзақтығы төмендегідей:

I тоқсан: 8 оқу аптасы, күзгі демалыс – 7 күн (2024 жылғы 28 қазаннан 3 қарашаға дейін).

II тоқсан: 8 оқу аптасы, қысқы демалыс – 10 күн (2024 жылғы 30 желтоқсаннан 2025 жылғы 8 қаңтарға дейін).

III тоқсан: 10 оқу аптасы, көктемгі демалыс – 11 күн (2025 жылғы 21-31 наурыз).

IV тоқсан: 8 оқу аптасы. Бірінші сынып оқушылары үшін қосымша демалыс – 7 күн (2025 жылғы 10-16 ақпан).

Материалды әзірлеген Ербол ЕРБОЛАТ.