Қашып кетпеңізші

Бір күні редакцияға газет жанашыры, тұрақты оқырман келіп, «Құрыш қаланың» нағыз оқитын газет болып шығып жатқанын айтып, сүйсініп, Серікгүл апайдың қолына көрімдікке деп тұтас он мың теңге ұстатты.

– Қыздар, шай ішейік, мен дүкенге барып бірдеңелер алып келейін,– деп Серікгүл апай киініп жатқан еді.

Сонда Қарлығаш:

– Апай, әйтеуір он мың теңгені алып, қашып кетпеңізші, – деді әзілдеп.

Қыран-топан күлкіге қарық болдық, өйткені, жеті ай бойы бір тиын жалақы алмай тегін еңбек етіп жүрген кезіміз еді.