Қарашаға дейін уақыт бар
Абай ауданында 1 қарашада вакцинацияланғандар арасында ұялы телефон және басқа да бағалы сыйлықтар ойнатылады. Шараны жергілікті Жастар ресурстық орталығы ұйымдастырады.
Ұтыс ойынына қатысу үшін 1 қарашаға дейін Абай қаласының орталық ауруханасында коронавирусқа қарсы вакцинаның бірінші компонентін алу қажет.
– Вакцинацияланғандардың тізімін бізге Абай орталық ауруханасы ұсынады. Ұтыс ойынын 1 қарашада @abaizhastary Instagram-парақшасында тікелей эфирде өткіземіз. Жеңімпаздар кездейсоқ әдіспен анықталады, – деді Абай ауданының Жастар ресурстық орталығының жетекшісі Ольга Куку.
Ұтыс жеңімпаздары ұялы телефон және басқа да бағалы және ақшалай сыйлықтар, сондай-ақ, шипажайға жолдамалар алады. Ол үшін бар болғаны Абай қаласында коронавирусқа қарсы вакцинаның бірінші компонентін алу қажет.
