Қарағандылық спортшы Сингапурда сынға түспек

Сингапурда үстел теннисінен 14-17 наурыз аралығында «WTT Youth Star Contender Singapore» халықаралық турнирі өтеді. Оған қарағандылық спортшы Алан Құрманғалиев те қатысады.

Аталған жарысқа барлығы 128 спортшы қатысады деп күтілуде. Жерлесіміз бұл додада 19 жасқа дейінгі жас санатында сынға түспек. Бүгінде Алан 19 жас санатындағылардың әлемдік рейтингінде ХХІ орында тұр.

Жерлесіміздің бұл сындағы басты қарсыластарының бірі кореялық О Чунсон мен Ким Гаон, Польша өкілі Милош Редзимский, жапондық Казуки Ёшияма. Бұл спортшылар аталмыш рейтингте үздік ондықтың ішінде.

Ербол ЕРБОЛАТ,
Ortalyq.kz