Қарағандыда жаңа төрт мектеп ашылады

Жалпы облыстағы қалалар, елді-мекендерде бой көтеретін мектептің үшеуі – Қарағанды мен Балқаштағы «Келешек мектебі» жобасы аясында ашылса, Қарқаралы ауданының Талды ауылындағы апаттық мектеп орнына салынған 200 орындық білім ордасы да жұмысын бастайды деп күтілуде. 

Бұл жоба бойынша Қарағандыда, сондай-ақ Бұқар Жырау және Шет аудандарында тағы алты мектеп салынуда.

– Оқу орындарына жұмыс дәптерлері, екі тілді басылымдар, арнайы кітаптар, сондай-ақ Цифрлық сауаттылық, шет тілдері, Еңбек және бейнелеу өнері бойынша электрондық ресурстар жеткізілді. Мектептерге қажетті ресурстарды жеткізуді аяқтау 25 тамызға жоспарланған, – деді Қарағанды облысы білім басқармасы басшысының міндетін атқаруы Мейіржан Сыздықов.

Жаңа оқу жылында өңірде 52 колледж жұмыс істейді. Мемлекеттік тапсырыс 9300 орынды құрайды. Оның 60% техникалық мамандықтарға — металлургия, машина жасау, IT, құрылыс, көлік жәнек тағы басқа мамандықтарға бағытталған. 

Аяулым СОВЕТ