Қарағандыда ұрылар құрықталды
Қарағанды қаласы ПБ криминалдық полиция басқармасының қызметкерлері мүліктік қылмыстарды анықтау және жолын кесу бойынша жедел-іздестіру іс-шараларын жүргізді. Олардың назары маршруттық автобустардың бірінде жолаушылардың бірінің сөмкесінен әмиянды суырып алмақ болған ер адамға түскен, деп хабарлайды Оrtalyq.kz Қарағанды облысының Полиция департаменті сайтына сілтеме жасап.
Ер адам қамауға алынып, қосымша тергеу үшін полицияға жеткізілді. 20 000 теңге мен құжаттары бар әмиян 33 жастағы әйелге тиесілі болып шықты. Ол өзі ұрлықшылардың нысанасына ілінгенін байқамай да қалған. Қазіргі таңда ҚР Қылмыстық кодексінің 24-188-бабы «Ұрлыққа оқталу» бойынша сотқа дейінгі тергеу амалдары жүргізілуде.
Полиция қаскүнемнің маршруттық тасымалдаудағы ұрлыққа қатысы барын анықтады. Дәл сол күні Қарағанды қаласының патрульдік полиция полкінің жасағы қала орталығынан өтетін өз бағытымен жүрді. Осы кезде оларға Нұркен Әбдіров даңғылының бойында белгісіз біреудің көлік жүргізушісіне шабуыл жасағаны туралы хабарлама келіп түскен. Жәбірленуші 39 жастағы әйел болып шықты. Ол белгілі бір азаматтың көліктен 450 000 теңге тұратын ұялы телефонын ұрламақ болғанын айтты. Полицейлер ізін суытпай 47 жастағы күдіктіні ұстады. Ол өзінің кездейсоқ, жәбірленушінің ұялы телефонын алып кеткенін айтып, мойындады.
Қаскүнемді қасына келген полиция отряды қорқытқан. ҚР Қылмыстық кодексінің 24-191 бабы «Тонау әрекеті» бойынша сотқа дейінгі тергеу амалдары жүргізілуде.
