Ертең, 31 мамыр күні Қалалық мансап орталығы «Таир» сауда үйінде бос орындар жәрмеңкесін өткізеді.
Ұйымдастырушылардың айтуынша, бүгінде сұранысқа ие мамандықтар саны артып келеді. Жәмеңкеде көбінесе дәнекерлеуші, электрик, мұғалім, дәрігер, медбике, тәрбиеші, сатушы, кассир, жүргізуші және т. б. Салалар бойынша жұмыс ұсынылады.
Мансап орталығының мәліметінше, жәрмеңкеде әр түрлі қызмет салаларынан 40-тан астам жұмыс беруші бос орындарын ұсынады. Олардың қатарында КamaТyres, Asia FerroAlloys, «Қарағанды магистральдық желі бөлімшесі» ҚТЖ ҰК АҚ филиалы және т. б. сияқты мемлекеттік ұйымдар мен ірі компаниялар бар.
Сондай-ақ, Қазыбек би және Әлихан Бөкейхан аудандарының пробация қызметі мен прокуратурасының, жеке сот орындаушылар палатасының және Қарағанды облысының Әділет департаментінің өкілдері қатысады.
Бүгінгі таңда enbek.kz электрондық еңбек биржасында Қарағанды бойынша 2 мыңнан астам бос жұмыс орны бар.
Жәрмеңке сағат 15.00-ден 17.00-ге дейін «Таир» сауда үйінде өтеді.
Байланыс телефондары: (8-7212) 996-404, +7 775-644-35-80 (WhatsApp).
Материалды әзірлеген Аида РАХЫМҚҰЛОВА
