Қарағанды зообағында 150-ге жуық құс бар. Оның 20-ға жуығы Қызыл кітапқа енген. Құстардың көбісі жұп болып өмір сүреді, алайда өз жұбын әлі таппаған түрлері де бар.
– Бізде шамамен 150-ге жуық құс бар, оның ішінде 20-ға жуығы Қызыл кітапқа енген және жойылып кету қаупі бар жабайы фауна мен флора түрлерінің халықаралық саудасы тізіміне енгізілген (СИТЕС). Зообаққа келушілері құстармен танысып, құстар жайлы ақпарат ала алады, – дейді Қарағанды зообағының орнитология бөлімінің жетекшісі Зауреш Шерімбаева.
Зообақтағы құстардың таңы күнделікті таңғы астан басталады. Сондай-ақ, барлық жануарлар олардың рационына сәйкес қоректендіріледі.
– Әркімнің рационы әртүрлі. Экзотикалық құстардың рационында жемістер, көкөністер және жемшөптер бар. Жыртқыш құстар ет жейді, кейбіреулеріне біз арнайы ақ тышқандарды өсіреміз. Сонымен қатар, ет жейтін құстар – Қызыл кітапқа енген түрлері, олар бізде жаз бойы ашық көшпелі торларда сақталады, себебі -40 градус дейінгі аязды көтере алады. Бұл – дала бүркіттері, аққұйрық орландары, – дейді Зауреш Шерімбаева.
Зообақтағы барлық тотықұстар жаңғақтар мен жемістерді жақсы көреді, Сонымен қатар, олардың рационында күріш, сүзбе, жидектер де бар.
Көктем келіп, ауа райы жылыған соң, қазіргі таңда павлиндер жазғы вольерлерге шығарылды. Жақында тотықұстарды да ашық торларға көшірмек.
Рузана ҚУАНЫШҚЫЗЫ
Е.А.Бөкетов атындағы Қарағанды зерттеу университетінің VI курс студенті
