«Алтыналмас» жұмысшылары ортақ мүддеден оқшауланған жоқ

Ақтоғай ауданы, Ортадересін ауылдық округіне қарасты №409 референдум учаскесінде дауыс беру қызу жүріп жатыр. Бүгін «Алтыналмас» компаниясының жұмысшылары, үздіксіз жұмыс кестесіне қарамастан, саяси науқанға белсенді қатысып, өз таңдауларын жасады.

– Мен қарапайым халықтың саяси сергектігіне, ешкімнің ел ертеңіне немқұрайды қарамайтынына №409 учаскесінде дауыс беру барысына куә болдым. Өндіріс басында жүрген азаматтар ел болашағы үшін жауапкершілікпен дауыс беріп, азаматтық ұстанымдарын білдірді, – дейді №409 референдум учаскесінің бақылаушысы Гаухар Жақсылықова.
Айта кетейік, учаскеде барлық санитарлық және құқықтық нормалар сақталып, сайлау процесі әділ әрі ашық ұйымдастырылған.

Нұрдос КӘРІМ
«Ortalyq Qazaqstan»

Ақтоғай ауданы