Алан Құрманғалиев Мажарстанда жүлдегер атанды

Отандасымыз Алан Құрманғалиев Венгрияның Сомбатхей қаласында өткен WTT Youth Contender турнирінің күміс жүлдегері атанды. Ол 19 жасқа дейінгі спортшылар арасында өткен сайыста бақ сынап, күміс жүлдені қанжығалап қайтты, деп хабарлайды Ortalyq.kz Olympic.kz сайтына сілтеме жасап.

Турнир кезінде қазақстандық спортшы әуелі болгариялық Стефан Димитровтан 3:0 есебімен айласын асырған болатын. Одан кейін Люксембургтан келген Маэль Ван Дессельді – 3:0, тайбэйлік Тай По-Чунды – 3:2 және  румыниялық Драгоша Бужорды – 3:0 есебімен жеңген. Сонымен қатар, словакиялық Михаил Ловгу, швед спортшысы Исаак Альфредссон және корейлік Ли Чон Моктан да басым түсті. Бірақ, ақтық кезеңде венгриялық Балаж Лэйден жеңіліп қалдып, екінші сатыға табан тіреді.