Аймақ кәсіпкерлері үшін электр энергиясына төмендетілген тариф енгізілді

Қарағанды облысының Шахтинск, Саран қалаларында, Абай және Бұқар жырау аудандарында бизнес үшін электр энергиясына тарифтер төмендетілді.

Қарағандының заңды тұлғалары үшін тариф 14,6%-ға төмендетілді – бір кВт/сағ үшін 38,84 теңгеден 33,19 теңгеге дейін төмендетілмек.

Шахтинск, Саран қалалары мен Абай және Бұқар жырау аудандарының кәсіпкерлері үшін төмендетілген тарифтер биылғы жылдың 22 мамырынан бастап қолданысқа енгізіледі.

Шахтинск қаласы, Абай мен Бұқар жырау аудандарында қызмет көрсететін «Расчетный сервисный центр» ЖШС ҚР ҰЭМ Табиғи монополияларды реттеу комитетінің Қарағанды облысы бойынша департаментіне заңды тұлғалар үшін электр энергиясына тарифті 1 кВт/сағатына 45,85 теңгеден 41,26 теңгеге дейін яғни 10%-ға төмендету туралы хабарлама берді.

Саран қаласында қызмет көрсететін «Энергоуголь ХХІ» ЖШС де 1 кВт/сағатына 47,90 теңгеден 43,13 теңгеге дейін 10% – ға төмендетті.

Төмендетілген тарифтер 2024 жылғы 22 мамырдан бастап қолданысқа енгізіледі.

Тарифті төмендету ҚР ҰЭМ ТМРК аумақтық департаменттері реттелмейтін энергиямен жабдықтаушы ұйымдарды электр энергиясымен жабдықтау жөніндегі қызметтерге лицензиялардың қолданылуын жақында тоқтатқаннан кейін мүмкін болды.

Естеріңізге сала кетейік, бұл жұмысты Үкімет Мемлекет басшысының делдал ұйымдарды, оның ішінде тұтынушыларды электрмен жабдықтау тізбегіндегі өнімсіз делдалдарды жою жөніндегі тапсырмасы аясында жүргізді.

Тарифті төмендетудің алғышарты тұтынушылардың (қаланың заңды тұлғалары мен бюджеттік ұйымдарының) реттелмейтін энергиямен жабдықтаушы ұйымдардан электр энергиясын кепілді жеткізушіге («Расчетный сервисный центр» ЖШС және «Энергоуголь ХХІ» ЖШС) ауысуына болды, бұл кепілді жеткізушінің көрсетілетін қызметтерінің көлемін ұлғайту жағына, тиісінше тарифті төмендетуге әсер етті.

Электр энергиясы қызметтерін үздіксіз алу үшін бұрын реттелмейтін жеткізушілерді пайдаланған Шахтинск қаласының, Абай және Бұқар жырау аудандарының заңды тұлғаларының «Расчетный сервисный центр» ЖШС-мен жедел түрде тиісті шарттар жасасу мүмкіндігі бар.

Заңды тұлғалар үшін:

Қарағанды қ., Лободы көш., 35Б ғимарат, телефон (8-7212) 90-01-64;

Шахтинск қ., Ленинградская көш., 69 үй телефон (8-72156) 3-73-29;

Абай қ., Абай көш., 32А үй, телефон (8-72131) 4-49-48.

Сондай-ақ «Энергоуголь ХХІ» ЖШС:

Саран қ., Победы көш., 28А үй 11, телефон: (8-72137) 7-69-40.

Аида РАХЫМҚҰЛОВА,

Ortalyq.kz