Ақсу-Аюлы – Балқаш: айналма жолдың балама нұсқасы әзірленді

Ақсу-Аюлы елді мекеніне жақын жерде (РФ шекарасы – Алматы тас жолы 1610 шақырым) жолда су тасқыны орын алуына байланысты жол жабылған болатын.

– Қазіргі кезде ауыр жүк көліктері қосымша көмек арқылы қатынауда. Ал жолаушылар тасымалы үшін өткел жабық күйінде қалады, бірақ Ақсу-Аюлыда қалғандар үшін Қарағанды ​​– Жарық – Ақсу-Аюлы – Балқаш станциясы арқылы өтетін айналма жолдың баламалы нұсқасы әзірленді. Жолдағы су басу жағдайын ескере отырып, жолаушылардан осы бағытта тек күндізгі уақытта қатынауын сұраймыз, – деп хабарлайды облыстық жолаушылар көлігі және автомобиль жолдары басқармасы.

Аида РАХЫМҚҰЛОВА,

ortalyq.kz